Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Comunicáu IX Asturies fallu TSJA, Ángel González

Izquierda Xunida d'Asturies, ante'l fallu del Tribunal Cimeru de Xusticia d'Asturies, sobre la contratación de Monolitos pa la dignificación de les fueses con asesinaos mientres la Guerra Civil quier manifestar:

L'absolutu convencimientu de la inocencia d'Ángel González y de la honestidá na so actuación, así como la del Secretariu Xeneral Técnicu de la Conseyería de Bienestar Social naquellos momentos, Roberto Moru Tella.

Respectu al fallu:

Sospriende que se considere que la contratación de los monolitos conmemorativos d'estos enterramientos illegales respondió a un interés políticu d'Ángel González como Viceconseyeru de Bienestar Social y non al cumplimientu puntual y estricto de la Llei de Memoria Historia que, hai que recordar, ye d'ámbitu nacional y ta vixente.

La elección d'esti día, precisamente, pa dar a conocer la sentencia, ye igualmente sorprendente, dilatando la so publicación a hores previes al entamu de la campaña electoral.

Tocantes a la imposición de 7 años de inhabilitación, tantu al que foi Viceconseyeru de Bienestar Social, como al Secretariu de la Conseyería, ye entá más sorprendente, más si se tien en cuenta lo que lleva asocediendo nesti país y les sentencies que se tán aplicando por casos de corrupción con fraudes y defraudaciones multimillonaries al Estáu, no que sí pudi considerase un saquéu antemanáu de les arques públiques.

Repitimos una vegada más que la contratación de los monolitos nun puede calificase como un casu de corrupción, nin hubo nengún tipu d'arriquecimientu ilícitu de naide nin perda dalguna pa l'Alministración.

IX Asturies va estudiar nos sos órganos internos esti fallu, que ye provisional, y que tien recursu d'apelación  nel Tribunal Supremu.

Nestos momentos, la prioridá pa IX ye la campaña electoral europea que s'empecipia n'escases hores y que nun se verá modificada por intereses ayenos y distintos a la mesma.

Volver

Compartir

2014 Izquierda Xunida d'Asturies - Política de privacidad - Política de cookies