Alejandro Suárez, Coordinador d'Izquierda Xunida d'Uviéu, felicitose güei porque l'Alcalde de la ciudá, Gabino de Lorenzo, "supo rectificar a tiempu y dar marcha atrás nun proyectu irracional como les trillizes de Calatrava, dándose cuenta del claru sintir mayoritariu de la ciudadanía”. Suárez recordó que la so organización había dicho haz ya dalgunos díes “que ye un clamor que les torres nun puen levantase, y cuanto antes s'asuma y se-y dea carpetazu a esti asuntu enantes mos podremos dedicar toos, y el gobiernu municipal el primeru, a resolver los problemes de la xente na nuesa ciudá”. Suárez añadió qu'espera que la decisión del Alcalde sía definitiva y nun sía frutu d'una táctica electoral.
El coordinador d'Izquierda Xunida d'Uviéu asegura que la presión especulativa va treslladase al Cristo-Buenavista y a La Vega
Alejandro Suárez, Coordinador d'Izquierda Xunida d'Uviéu, felicitose güei porque l'Alcalde de la ciudá, Gabino de Lorenzo, "supo rectificar a tiempu y dar marcha atrás nun proyectu irracional como les trillizes de Calatrava, dándose cuenta del claru sintir mayoritariu de la ciudadanía”. Suárez recordó que la so organización había dicho haz ya dalgunos díes “que ye un clamor que les torres nun puen levantase, y cuanto antes s'asuma y se-y dea carpetazu a esti asuntu enantes mos podremos dedicar toos, y el gobiernu municipal el primeru, a resolver los problemes de la xente na nuesa ciudá”. Suárez añadió qu'espera que la decisión del Alcalde sía definitiva y nun sía frutu d'una táctica electoral.
A xuiciu de Suárez, “renunciar a siguir adelante col proyectu de las torres tien que ser namái el primer pasu pa recuperar n'Uviéu una política urbanística al serviciu de la ciudadanía y non de los intereses d'unos cuantos constructores”. Por eso anunció que la so fuercia política diba tar mui atenta, nun namái al nuevu proyectu que se quier crear nesa parcela, sinón a les “propuestes de desarrollu urbanísticu que tan pendientes en dalgunas otras zones de la ciudá, y mui particularmente en Pumarín , San Lázaro, el Cristo-Buenavista y la Vega”.
Suárez reconoció'l so temor a que nestes zones, particularmente el Cristo-Buenavista y La Vega, quiera articulase una coalición d'intereses especulativos agora que paez que se renuncia definitivamente al proyectu de Calatrava. Nesti sen afirmó qu'Izquierda Xunida d'Uviéu va combatir cualquier proyectu qu'atente escontra un modelu urbanísticu racional, democrático, sostenible y al serviciu de los ciudadanos “con independencia de cuál sía l'Alministración que-y dea puxu”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies