Menu

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor, destacó güei que “al ministru de Defensa falto-y tiempu pa criticar el trazáu Sama-Velilla en cuanto abandonó Asturies. Equí nun tuvo'l coraxe de dicir lo que piensa y dexar n'evidencia que la FSA son el sector más cavernícola del PSOE en política medioambiental. Nun dexa de ser llamentable la imaxen qu'ufren los socialistes asturianos. Ayeri faen la semeya con un coche híbridu los mesmos que pretenden acometer los mayores atentaos medioambientales de la hestoria reciente d'AsturiEs. Que al volante d'esi vehículu vaya María Luisa Carcedo, la mayor defensora de Caliao o de la incineradora de Serín, nun dexa de ser la meyor imaxen de la demagoxa de la FSA nesti asuntu”.

El diputáu d'IX-BA-Verdes afirma que “la FSA ye'l sector más cavernícola del PSOE en materia medioambiental. Faen la semeya con un coche híbridu y quieren imponer terribles atentaos como Caliao, la incineradora de Serín o Sama-Velilla”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor, destacó güei que “al ministru de Defensa falto-y tiempu pa criticar el trazáu Sama-Velilla en cuanto abandonó Asturies. Equí nun tuvo'l coraxe de dicir lo que piensa y dexar n'evidencia que la FSA son el sector más cavernícola del PSOE en política medioambiental. Nun dexa de ser llamentable la imaxen qu'ufren los socialistes asturianos. Ayeri faen la semeya con un coche híbridu los mesmos que pretenden acometer los mayores atentaos medioambientales de la hestoria reciente d'AsturiEs. Que al volante d'esi vehículu vaya María Luisa Carcedo, la mayor defensora de Caliao o de la incineradora de Serín, nun dexa de ser la meyor imaxen de la demagoxa de la FSA nesti asuntu”.

Per otra parte, Joaquín Arce, voceru de Los Verdes d'Asturies afirmó que “ayeri desayunamos con una terrible noticia, el proyectu d'embalse que pretenden facer nel únicu tramu virxen del ríu Navia. Otra noticia dramática pa quienes defendemos la sostenibilidá y el respetu al nuesu mediu natural. Ye llamentable que mientres s'esixe a los ciudadanos que s'esfuercien en agorrar enerxía, el PSOE, d'alcuerdu coles grandes empreses, imponga la construcción del macroembalse de Caliao, la incineradora de Serín, el trazáu de la llínia Sama- Velilla –un auténticu atentáu mediuambiental y la salú pública- y agora esti enorme embalse nel occidente asturianu, por nun falar de les siete centrales térmiques de ciclu combináu col consiguiente efectu sobre la salú de los asturianos (cáncer, enfermedaes respiratories, asma infantil)”

El diputáu d'IX-BA-Verdes, Valledor, afirmó: “afortunadamente la FSA pinta pocu nel PSOE, buena prueba d'ello ye que Zapatero nun va tar n'Asturies en campaña electoral, como tampoco la FSA tien presencia nel Gobiernu. Quien ta oponiéndose al trazáu Sama- Velilla ye nada menos qu'un ministru, del círculu próximu al Presidente que, por cierto, ye tamién de Llión. Zapatero tuvo n'Asturies y d'esti tema, como de tantos otros importantes p'Asturies, tampocu dixo nin una pallabra”.