Menu

Ángela Vallina pidió güei a toes aquelles persones descontentes cola situación actual que participen nes próximes elecciones del domingu al Parlamentu Européu.

"Intentamos movilizar a toes aquelles persones que, entá tando descontentes, indignaes, nun quieren dir votar. Hai que convenceles de que dende'l sofá de casa, o la barra d'un chigre, nun se camuden les coses"

Nun mitin en Cangas, la candidata per Asturies a la Eurocámara, denunció'l "teatrillo" nel que PP y PSOE convirtieron la campaña electoral, con discursos vacíos y nos que nun esplicaron a la xente que la socialdemocracia y los conservadores europeos yá tán pensando nun pactu pa caltener el control de les instituciones europees, na llínea que yá apuntó la presidenta alemana Angela Merkel. Pa Ángela Vallina, la coincidencia d'oxetivos ente socialistes y populares n'España y n'Europa demuestren la necesidá de que la población sofite una fuerza d'esquierda alternativa con capacidá pa parar los proyectos de retayos que, otra manera, van siguir en marcha.

Pela so parte, el coordinador general d'IX Asturies, Manuel González Orviz, ironizó sobre les declaraciones electorales del presidente d'Asturies, Javier Fernández, nel sentíu de que ye necesariu parar les polítiques de dereches. "Curiosamente -dixo- tamos d'alcuerdu, pero, efectivamente, hai que frenar les polítiques de la derecha, que se frenen non yá con declaraciones, sinón con otru tipu de polítiques que protexan el bienestar, los derechos sociales y nun desenvolviendo alcuerdos col PP".

Frente al bon entendimientu de conservadores y socialdemócrates, González Orviz, aseguró qu'Izquierda Xunida  va plantegar polítiques de progresu que pongan fin a los retayos auspiciados dende les instituciones de la Unión Europeo y puestu en marcha polos distintos gobiernos españoles. "Tratar d'asitiar los derechos de les persones percima de la delda"