El Coordinador d'IX alvierte de qu'esta ausencia pon en peligru l'actividá y l'empléu de la mina Manuel
González Orviz, Coordinador d'IX d'Asturies, caltuvo un alcuentru esta mañana colos representantes del comité d'empresa d'USO y CCOO de la empresa Coto Mineru Cantábricu nel qu'amosó'l so sofitu a los trabayadores y demandó al Principáu la necesidá de dictar un resolvimientu que dexe l'entamu de los trabayos na empresa yá que la comunicación previa que plantegó tantu a Cotu Mineru del Cantábricu como a Uminsa, por qu'algamen un alcuerdu, ta provocando que la esplotación a cielu abiertu tea paralizada. González Orviz alvierte al Principáu de que la falta d'esti resolvimientu ta creando riesgos pal empléu y l'actividá de la mina de Degaña. Nesti sentíu recuerda qu'en Cotu Mineru Cantábricu trabayen casi 400 persones, 300 nel interior y casi 100 nel esterior.
González Orviz considera que, con independencia de los derechos de terceros afectaos, que pueden resolvese con recursos alministrativos o nos tribunales, el Principáu nun puede quedase al marxe y nun emitir esi resolvimientu porque va conducir a los trabayadores de Cotu Mineru Cantábricu a un nuevu espediente de regulación d'emplegu.
El Coordinador d'IX apremia a la Dirección Xeneral de Mines a dictar esi resolvimientu y publicar con abonda antelación cuidando que'l día15 de setiembre empiecen a incorporase al tayu los trabayadores d'interior.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies