Menu

Aurelio Martín asegura qu'una mayor frecuencia podría desvirtuar esta figura parlamentaria

Izquierda Xunida va caltener la propuesta d'afitar, cada 15 díes, la frecuencia de les entrugues al presidente, una cadencia que, según esplicó güei el voceru na Xunta Xeneral del Principáu d'Asturies, Aurelio Martín, pretendía ser un puntu d'alcuentru ente les posiciones d'unes y otres fuerces polítiques na cámara.

“Entendiendo que ye una frecuencia xusta (cada 15 díes) porque facer entrugues al presidente toos les selmanes puede desvirtuar de dalguna manera la mesma figura y acabar preguntando per caminos, que son respuestes más propies de los conseyeros que del presidente, y porque creemos qu'amás la figura selmana nun esiste en prácticamente nenguna Comunidá Autónoma porque casi nenguna comunidá Autónoma tien Plenos selmanales”.

Aurelio Martín refugó la posición del PP –qu'al pie de Foru reclamen una frecuencia selmanal- y esclarió que la so xustificación nel modelu del Congresu, tampoco ye válidu.

“Los que se diz del Congresu de los Diputaos de que ye selmanal, realmente tampoco sería esa media, porque hai trés plenos al mes, polo tanto nun hai una media, o nun pue dicise qu'haya entrugues al presidente toos les selmanes”.

Nestos momentos, les entrugues al presidente realicen cada trés Plenos. Sía que non, Aurelio Martín espresó la voluntá por que se atope un consensu, nuna cadencia compartida por tolos grupos.

Per otru llau, Izquierda Xunida presentó na Xunta de Voceres, celebrada esta mañana,  una proposición non de llei por que'l Gobiernu d'Asturies encamiente al d'España a que caltenga'l programa de collaboración con Naciones Xuníes sobre derechos sexuales y reproductivos

Amás, plantegó una entruga en materia de contratación y de la participación de la muyer na contratación nel ámbitu públicu