Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX critica la demoranza hasta los 18 meses de la tramitación del Salariu Social y anuncia que va preguntar al presidente qué midíes va adoptar pa entainalo

El voceru d'IX na Xunta Xeneral del Principáu, Aurelio Martín, criticó esta mañana que la tramitación del Salariu Social retrasarase hasta añu y mediu

El diputáu anunció qu'esta va ser la principal cuestión que va plantegar na próxima sesión nes entrugues al presidente. “Creemos que ye un preséu qu'intenta responder a situaciones d'estrema necesidá y creemos qu'esi preséu nun puede ser devaluáu, y no fondero yelo cuando se tarda 18 meses n'acometer un resolvimientu sobre'l mesmu”.

Ante esta llarga espera, Aurelio Martín esplicó que va reclamar al xefe del executivu asturianu, Javier Fernández, qué preseos tien pensáu poner en marcha por que les solicitúes de Salariu social puedan resolvese nun tiempu razonable.

Al respective de la nueva frecuencia de les entrugues al presidente, Aurelio Martín amosóse satisfechu porque, finalmente, algamárase un alcuerdu ente les distintes fuerces, afitando, cada 15 díes, la so celebración. “Satisfechos na midida que la impulsamos. UPyD, como sabéis nel so momentu sofitó la propuesta y compartiola y paez qu'acaba un alderique que nun tenía que durar tantu”.

La cadencia quincenal dexa, a xuiciu del voceru d'IX, dar más axilidá, de la que non desvirtúa una figura que, de ser selmanal, podría correse'l riesgu de terminar como caxón de xastre de cualquier cuestión susceptible de ser respondida n'otros ámbitos ensin mayores problemes.

Per otru llau, Izquierda Xunida va llevar al próximu Plenu de la Xunta Xeneral del Principáu una proposición non de llei en defensa del xacimientu arqueolóxicu de Bañugues, y va plantegar una interpleación sobre salú mental.

“Entendemos que ta habiendo un cambéu de modelu qu'afecta fundamentalmente, amás, a l'asistencia a casa a estos enfermos, afecta tamién a los profesionales que tán faciendo toa'l llabor de salú mental y, poro, creemos que ye oportuno que'l Gobiernu d'esplicaciones en see parlamentaria”, esplicó Aurelio Martín.

Volver

Compartir

2014 Izquierda Xunida d'Asturies - Política de privacidad - Política de cookies