El voceru d'IX considera que los ciudadanos dicen “abasta yá” a los partíos y los gobiernos
Aurelio Martín, voceru parlamentariu d'IX na Xunta Xeneral, preguntó esta mañana a Javier Fernández qué midíes va poner en marcha pa evitar nuevos casos de corrupción n'Asturies ensin llograr una respuesta clara per parte del Presidente del Principáu, por casu, ante la non aplicación d'una ventena d'encamientos derivaos de la Comisión d'Investigación del Casu Amoria. El voceru d'IX demandó dilixencia p'aplicar estes conclusiones y pa poner fin a la corrupción “qu'algama niveles insospechados n'España, onde Asturies nun ye la esceición” y amena “la indignación de la gran mayoría de los ciudadanos que nos pide que nun vuelva asoceder”. “Esíxennos a los partíos y los Gobiernu que tomemos midíes clares, tán diciéndonos que yá basta”, alvirtió'l voceru d'IX.
Martín recordólu qu'esta comisión pidió incorporar al portal de tresparencia los espedientes de gastu, les concesiones alministratives, les informaciones más solicitaes, les indemnizaciones y retribuciones de los emplegaos públicos, los contratos menores, los negociaos, los alcuerdos marco, los convenios de collaboración y un llargu etcétera “de les que solo se punxeron en marcha delles midíes, pero non toes”.
Martín tamién alvirtió a Javier Fernández que les midíes que recueyen los proyectos de llei de Bon Gobiernu y la Llei de Tresparencia “lleguen tarde y mal, amás de ser una mala copia de la llei del estáu y a les clares insuficiente, pa nós y pa los espertos que comparecieron na comisión”. De la mesma, tamién lu recordó que foi IX quien nos resolvimientos del Alderique d'Orientación Política propunxo esixir al Gobiernu de Rajoy que la llista de persones que s'acoyeron a l'amnistía fiscal sía pública.
Pela so parte, Javier Fernández defendió qu'a pesar de que “a estes altures nun pongo les manos nel fueu por naide, si poner pol mio Gobiernu ante cualquier casu de corrupción” y aludió a les lleis de Tresparencia y Bon Gobiernu y a qu'el so partíu cesó a los cargos públicos cuando se-yos abrir xuiciu oral.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies