La coalición quier dir más allá del alcuerdu de Gobiernu y propón favorecer a un mayor colectivu
La Xunta Xeneral aprobó esta mañana una Proposición Non de Llei d'IX pa que'l Conseyu de Gobiernu modifique'l so alcuerdu de 29 de mayu de 2013 pol que s'aprueben modelos de clausules sociales nel ámbitu de la contratación pública, pa promover l'emplegu d'otres persones con dificultaes particulares d'insertamientu nel mercáu llaboral, amás de les que sufren dalgún tipu de discapacidá, tal que fixeron otres alministraciones públiques.
Noemí Martín, diputada d'IX d'Asturies, aseguró al defender la iniciativa que l'oxetivu del grupu parlamentariu ye dir más allá d'esi alcuerdu de Gobiernu yá que, anque favorez a les persones con discapacidá, colo que ta d'alcuerdu, ye insuficiente y tien d'afectar a otros colectivos sociales na contratación pública. Martín esplicó qu'estos modelos d'aplicación de clauses sociales yá esisten n'otros llugares, como ye'l casu del conceyu d'Avilés dende va tiempu, y apocayá aprobáu nel d'Uviéu, y tamién s'inclúin na Llei de Contratos del Sector Públicu, que fala de colectivos en situación d'esclusión social, persones con discapacidá o centros especiales d'emplegu.
En referencia a l'alministración autonómica, la diputada punxo como exemplu la regulación qu'aprobó nel añu 2012 la comunidá de Castiella y Llión. Esta comunidá diz de forma clara que los poderes públicos incorporen clausules sociales na contratación oxetivos de política social en base del estáu social que defende la Constitución española. “Definen de forma muncho más amplia que n'Asturies, les clauses sociales, puntualizando que se refieren al fomentu del emplegu de persones en riesgu d'esclusión social, insertamientu de persones con discapacidá, fomentu de la estabilidá nel emplegu, igualdá efectiva ente homes y muyeres o midíes que faciliten la conciliación llaboral n'empreses”, esplicó. Inclusive, dixo, establez un llistáu de colectivos que pueden ser susceptibles de considerase d'aplicación de clauses sociales. Por casu, persones con discapacidá física, psíquica o sensorial o con enfermedaes mentales; persones perceptores de renta mínima; mozos d'ente 16 y 30 años provenientes d'instituciones de menores; persones con problemes d'alcoholismu o drogodependencias en procesu de rehabilitación o mayores de 45 años paraos de llarga duración.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies