Menu

El grupu parlamentariu d'IX-BA-Verdes va pidir la comparecencia del xerente del ERA na Xunta Xeneral

El grupu parlamentariu d'IX-BA-Verdes va pidir la comparecencia del xerente del ERA na Xunta Xeneral

La diputada d'IX na Xunta Xeneral, Noemí Martín, afirmó que “IX fue la meyor garantía de les polítiques sociales nel Gobiernu asturianu. Refiérome a la política de los fechos, nun a la de promeses qu'l gobiernu interín d'anguaño practica con maña. Cada día hai más datos que lo corroboren. Un exemplu: el Xerente del ERA debería renembrar que los presupuestos d'Areces reserven-y el triste méritu de baxar la inversión pa iguar nueves plazes: pasa de 16 a 10 millones d'euros. El presupuestu del PSOE nun va crear les plazes residenciales qu'Asturies necesita y qu'Areces comprometió na campaña ellectoral llegando incluso a afirmar que diba acabar cola llista d'espera nesta llexislatura. Recortando inversiones va ser imposible.”

IX comprende que'l Xerente del ERA tien enormes dificultaes pa justificase porque dirixe un organismu que taba avezáu nos últimos cuatro años a ver cómo se-y incrementaben notablemente los sos presupuestos y cola so llegada empiezen los recortes. Por eso les descalificaciones y les mentiras hacia la xestión del equipu d'IX. Un datu: l'añu pasáu'l presupuestu del ERA xubió nun 26%, pasó de 68 millones a 86 millones d'euros. Nel primer añu de gobiernu socialista l'incrementu limítase a un paupérrimu 4%, absolutamente insuficiente p'abordar los retos que supón la Llei de la Dependencia.

“El Xerente del ERA, amás d'abandonar les descalificaciones y la mentira, debería intentar xustificar la so brillante xestión: báxase'l presupuestu pa nueves inversiones, suspende l'ampliación de la residencia de Quirós que suponía 24 nuevas plazes y 2 millones d'euros, reduce les plazes previstes pa la residencia de Cuideiru na Casa del Mar y xube'l preciu públicu de les plazes residenciales en 180 euros mensuales, un 17,6% cuando'l Salariu Social apenes xube'l 3%. Esta ye la verdadera política social del Gobiernu d'Areces, xusto la contraria que la qu'Asturies necesita”, declaró Noemí Martín.

El Grupu Parlamentariu d'IX esixirá la comparecencia del Xerente del ERA na Xunta Xeneral.