Menu

Ante les declaraciones de Jesús Gutiérrez d'esta tarde, el Secretariu d'Organización d'IX, Ángel Gonzalez considera que ye necesario “tener mucha cara y ser un cínicu” al intentar dar llecciones a Izquierda Xunida sobre l'interés negociador de la coalición, cuando precisamente él y Javier Fernández negáronse siquiera a reunise colos representantes de la coalición. “El PSOE n'Asturies ye l'únicu y esclusivu responsable de que la comunidá autónoma nun vaya a tener presupuestos, ya que negáronse a negociar y montaron un teatru con ánimu de perxudicar al propiu Presidente, a sabiendes de que'l perxuiciu ye palos propios asturianos”, afirma'l Secretariu d'Organización d'IX.

Ante les declaraciones de Jesús Gutiérrez d'esta tarde, el Secretariu d'Organización d'IX, Ángel Gonzalez considera que ye necesario “tener mucha cara y ser un cínicu” al intentar dar llecciones a Izquierda Xunida sobre l'interés negociador de la coalición, cuando precisamente él y Javier Fernández negáronse siquiera a reunise colos representantes de la coalición. “El PSOE n'Asturies ye l'únicu y esclusivu responsable de que la comunidá autónoma nun vaya a tener presupuestos, ya que negáronse a negociar y montaron un teatru con ánimu de perxudicar al propiu Presidente, a sabiendes de que'l perxuiciu ye palos propios asturianos”, afirma'l Secretariu d'Organización d'IX.

Ángel González recuerda-y a Gutiérrez que fueron los propios dirixentes de la FSA los que ficieron llegar a IX la so reflesión de que nun diba a a haber presupuestos y qu'hasta dempués de les elecciones xenerales nun diba haber dengún cambiu. IX considera que Jesús Gutiérrez tien que refrescar la so memoria y nun escaecese de que “una vuelta que'l presupuestu entre na Xunta nun hai un res que negociar porque los númberos totales del mesmu son inamovibles por llei”. Una vegada más, Jesús Gutiérrez ta engañando a la población asturiana. “Si la FSA decidió qu'Asturies nun tuviese un gobiernu sólidu estes empiezen a ser les consecuencies”, apostilla Ángel González.

Del mesmu mou, IX considera que la Federación Socialista Asturiana falta a la verdad cuando asegura que Rabanal llamó cuatro veces a una diputada d'IX. Noemí Martín recibió una llamada ensín identificar y ensin que'l so interlocutor se molestase siquiera en dexar un mensaxe, tal como ocurrió n'anteriores ocasiones.