Menu

El Conseyu Políticu d'Izquierda Xunida d'Asturies, másimu muérganu de dirección ente asamblees, cellebráu esta tarde nel Hotel La Gruta respaldó la propuesta fecha pola Presidencia y Comisión Executiva d'IX pa que Laura González, ex-conseyera de Vivienda y Bientar Social, encabece les listes al Congresu de los Diputaos n'Asturies nes elecciones que se van cellebrar el prósimu mes de marzu. La candidatura de Laura fue sofitada por 70 votos a favor, nengún en contra y cinco abstenciones.

El Conseyu Políticu d'Izquierda Xunida d'Asturies, másimu muérganu de dirección ente asamblees, cellebráu esta tarde nel Hotel La Gruta respaldó la propuesta fecha pola Presidencia y Comisión Executiva d'IX pa que Laura González, ex-conseyera de Vivienda y Bientar Social, encabece les listes al Congresu de los Diputaos n'Asturies nes elecciones que se van cellebrar el prósimu mes de marzu. La candidatura de Laura fue sofitada por 70 votos a favor, nengún en contra y cinco abstenciones.

Laura González acumula una intensa trayectoria política, desendolcó a lo llargo de la so vida numeroses responsabilidaes polítiques e institucionales, primero en nombre del PC y darréu con Izquierda Xunida. Pa la dirección d'Izquierda Xunida d'Asturies Laura González ye una opción segura pa recuperar l'escañu en Madrid. Nel Conseyu Políticu destacose la importante xestión fecha pola candidata al frente de la Conseyería de Vivienda y Bientar Social dende onde-y dio puxu a un cambiu de ciclu de materia de vivienda, garantizó nuevos derechos como'l Salariu Social e dio puxu a importantes inversiones empobinaes a consolidar los servicios sociales como'l cuartu pilar del Estáu de Bientar. Ye una opinión unánime en Izquierda Xunida que Laura González demostró qu'hai otra forma de facer política, pegada a la xente, austera y cumpliendo los sos compromisos. Los datos disponibles corrobórenlo: acumula nun namás altos niveles de conocimientu sino tamién una valoración mui positiva del so pasu pol gobiernu. Pa IX, Laura González ye la meyor diputada qu'Asturies pue tener en Madrid.

Nesti Conseyu Políticu tamién quedo aprobáu l'adelantu de l'Asamblea d'Izquierda Xunida d'Asturies pal 30 de payares y 1 d'avientu. Va cellebrase n'Uviéu. Tamién aprobó los documentos que suponen l'entamu del procesu d’alderique interno que se va desendolcar durante les prósimes selmanes. El documentu políticu nómase “Una izquierda tresformadora y alternativa p'algamar Asturies nel sieglu XXI” y recueye un análisis de la situación d'anguaño y les prioridaes polítiques cimeres que van centrar l'aición d'Izquierda Xunida d'Asturies. El testu recueye l'apuesta estratéxica pal futuru inmediatu: reforzar el proyectu políticu d'Izquierda Xunida d'Asturies pa ufrir una alternativa útil a los asturianos fundamentada nos valores clásicos de la izquierda y nos nuevos movimientos sociales. La precariedá nel emplegu, la discriminación llaboral que sufren les muyeres, les nueves formes d'esplotación llaboral que suponen los “becarios-precarios” o los “falsos autónomos”, la necesidá d'apostar por un sector industrial fuerte que sía capaz d'aprovechar les oportunidaes que da la investigación y el desenrrollu tecnolóxicu, la diversificación económica de territorios enteros n'Asturies, l'apuesta polos servicios públicos como la educación y la sanidá, o les polítiques sociales son dellos ellementos que recueye'l documentu políticu y que van centrar la xera d'IX nel prósimu periodu.