Menu

Izquierda Xunida d'Asturies y l'asociación de madres y padres (AMPA) del colexu de Zarréu roblaron esta mañana un compromisu pol que la formación comprometese a defender la recuperación del bachiller na localidá. Nestos momentos la población escolar y nel que cursar el bachiller fora de Degaña o Asturies teniendo que movese a diariu a Vil.lablinu, yá na Comunidá Autónoma de Castiella y Llión.

El coordinador xeneral d'Izquierda Xunida d'Asturies, Manuel González Orviz, amosó la so disposición a defender los estudios de bachilleratu na localidá, tantu nel casu de que, tres les elecciones del próximu 24 de mayu, Izquierda Xunida tea nel gobiernu de Asturies o na oposición. IX, comprometió Gonzalez Orviz, va faer "tolo posible, si tamos nel Gobiernu, pa que s'enllante la modalidá de bachilleratu nel conceyu, y si tamos na oposición pos tamién pa, dende'l Parlamentu forzar toles iniciatives nel sentíu de que s'implante"

La necesidá de cuntar con estudios de bachiller xustifícase non solo pol altu absentismo provacado pola meteoroloxía, sinón tamién por razones d'índole académica cuando la población estudiante tien qu'aportar a la universidá. La presidenta de l'AMPA, Susana Marentes, esplica los problemes que viven los sos fíos y fíes cuando llega la hora de cursar estudios cimeros. "Pa nós ye bien necesario la instauración equí del bachilleratu polos motivos que toos conocen: les faltes que tienen los neños, que munches vegaes dan-yos la vuelta yá en Vil.lablinu y tienen que llamar a los padres por que los vaigan a recoyer y nun esiste n'ocasión disponibilidá". A estes dificultaes, añedió, súmense les del accesu a la Universidá, motivaes pola diferencia de feches nel entamu y fin de los años escolares na Universidá d'Uviéu y na de Castiella y Llión.

Marentes esplicó qu'esperaben que, pal cursu académicu próximu, el bachiller sía una realidá: "Tamos bien contentos del sofitu que tamos teniendo de los partíos políticos, como nesti casu Izquierda Xunida y esperamos poder consiguilo pal próximu añu"