Menu

El Secretariu d'Organización d'IU considera que la so actitud ye más propia "d'un bomberu pirómanu” que d'un partíu que necesita
diálogu p'aprobar los presupuestos

El Secretariu d'Organización d'IU considera que la so actitud ye más propia "d'un bomberu pirómanu” que d'un partíu que necesita
diálogu p'aprobar los presupuestos

Ante les declaraciones feches a los medios de comunicación por Jesús Gutiérrez, Secretariu d'Organización de la FSA, alrodiu del ayuntamientu de Castrillón y la so alcaldesa, Ángela Vallina, el Secretariu d'Organización d'IU d'Asturies, Ángel González pide-y tranquilidá, sosiegu, prudencia y mesura a la hora d'entrar nun posible debate presupuestariu.

Les declaraciones de Gutiérrez, a xuiciu d'Angel González, constituyen lo más asemeyao a la práctica "d'un bomberu pirómanu”. Si realmente la FSA tien dalgún interés en propiciar vies d'alcuerdu con IU pa sacar plantre los presupuestos convendría que dacuando en llugar d'encender fuegos, Jesús Gutiérrez atopase otres formes d'ocupar el so tiempu.

IU d'Asturies recuerda-y que recomponer la unidá de la izquierda en Castrillón nun fue fácil y les sos “apariciones estelares” non contribuyen, precisamente, a estabilizar y consolidar esta rellación. Ángel González sospecha qu'esti comportamientu de la FSA namás puede tener dos esplicaciones:
-- O bien demuestra una imprudencia y falta de responsabilidá impropia del
númberu dos d'un partíu que sostián al gobiernu
-- O la FSA conscientemente ta poniendo piedres nel camín d'Areces
p'algamar un alcuerdu de presupuestos.