Menu

El diputáu d'Izquierda Xunida, Bloque por Asturies, Los Verdes y portavoz de cultura d'esi grupu parlamentariu na Xunta Xeneral del Principáu, Francisco Javier García Valledor, anunció güei una batería d'iniciatives parlamentaries en rellación coles declaraciones del ex Direutor Xeneral de Deportes, Daniel Gutiérrez Granda nes que denuncia la intención de los responsables de la Conseyería d'ufierta-y un “sueldu fantasma pa desenrrollar responsabilidaes que nun hai ”.

El diputáu d'Izquierda Xunida, Bloque por Asturies, Los Verdes y portavoz de cultura d'esi grupu parlamentariu na Xunta Xeneral del Principáu, Francisco Javier García Valledor, anunció güei una batería d'iniciatives parlamentaries en rellación coles declaraciones del ex Direutor Xeneral de Deportes, Daniel Gutiérrez Granda nes que denuncia la intención de los responsables de la Conseyería d'ufierta-y un “sueldu fantasma pa desenrrollar responsabilidaes que nun hai ”.

“Les afirmaciones de Gutiérrez Granda son tanto más graves cuanto que proceden d'una persona de probada competencia na xestión, demostrada en toles responsabilidaes públiques qu'exerció, y d'una honradez personal incontestable”, señaló Valledor. “Cuando daquién de la so talla política y personal y de la so llealtá afirma que nun ta en política pa ocupar un chiringo, ta desvelando qu'hai zones mui oscures nesa área de xestión”. “Tal parez que lo que se quier con esti conglomeráu d'empreses y fundaciones creaos nun ye meyorar la xestión de les iniciatives culturales en marcha sino tener a disposición una especie de fondu de reptiles pa pagar favores”

Valledor afirmó qu'empiezen a desvelase les auténtiques razones poles cuales la Federación Socialista Asturiana impidió que se pudiera reeditar nesta llexislatura l'alcuerdu del gobiernu plural de la izquierda, negándose taxantemente a qu'IU pudiera asumir la xestión de la Conseyería de Cultura. “Esti ye un nuevu episodiu que demuestra qu'esti gobiernu del PSOE en minoría supón una auténtica involución nos modos y formes de facer política respecto a la llexislatura anterior”, aseveró l'ex Conseyeru de Xusticia.

El diputáu va pidir al Gobiernu la rellación de les persones que tienen contratos d'alta dirección na Empresa Pública de Xestión d'Infraestructures Culturales, Turístiques y Deportives del Principáu d'Asturies SA, iguada por llei del Principáu d'Asturies el 1 de xineru de 2006 asina como los salarios que perciben y la rellación de trabayadores coles que cuenta na plantilla. Tamién va pidir la rellación d'empresas y entidaes que forman parte de la Fundación La Llaboral Centru d'Arte y Creación Industrial y les contribuciones económiques qu'hasta agora aportaron.

Valledor critico'l “papelón” de la nueva Conseyera de Cultura, Encarnación Rodríguez, que cada vez parez más una figurante que nun tien denguna rellevancia real ni ta enterada de lo que pasa na so Conseyería dexando en manes del Viceconseyeru Jorge Fernández León la xestión de los “chanchullos”.