Menu

La Comisión Executiva d'IU d'Asturies decidió na reunión d'esta tarde'l nombramientu de Ángel González Álvarez, ex Viceconseyeru de Bientar Social, como Secretariu d'Organización y Finanzes de la coalición, tres el fallecimientu de Guillermo Ballina. Del mesmu mou, nesta reunión diose'l vistu buenu al relevu de Melania Álvarez, como responsable de Comunicación, pa que se dedique de lleno a les sos nueves responsabilidaes de gobiernu nel Ayuntamientu de Carreño como segunda Teniente d'Alcalde y responsable de Medioambiente, Infraestructures, Ordenación Territorial y Vivienda, que va permanecer como miembru de la executiva. Nel so llugar va facese cargu de Comunicación, Pablo Prieto Fernández, quien tamién va desenrrollar la llabor d'Adxuntu al Secretariu d'Organización.

La Comisión Executiva d'IU d'Asturies decidió na reunión d'esta tarde'l nombramientu de Ángel González Álvarez, ex Viceconseyeru de Bientar Social, como Secretariu d'Organización y Finanzes de la coalición, tres el fallecimientu de Guillermo Ballina. Del mesmu mou, nesta reunión diose'l vistu buenu al relevu de Melania Álvarez, como responsable de Comunicación, pa que se dedique de lleno a les sos nueves responsabilidaes de gobiernu nel Ayuntamientu de Carreño como segunda Teniente d'Alcalde y responsable de Medioambiente, Infraestructures, Ordenación Territorial y Vivienda, que va permanecer como miembru de la executiva. Nel so llugar va facese cargu de Comunicación, Pablo Prieto Fernández, quien tamién va desenrrollar la llabor d'Adxuntu al Secretariu d'Organización.

Esti alcuerdu respuende al interés por siguir reforzando la dirección política d'Izquierda Unida d'Asturies.

Biografía de Ángel González Álvarez

Llaviana, 1959. Diplomáu en Maxisteriu y llicenciáu en Derechu. Ex-Viceconseyeru de Bientar Social Ángel González ye diplomáu en Maxisteriu y lilcenciáu en Derechu. Funcionariu del Ministeriu d'Educación y Ciencia desenrrolló la so xera en distintos Colexos Públicos d'Asturies dende 1982 hasta 2003.

Dende setiembre de 2003 hasta xunetu de 2005 ocupa'l cargu de Director Xerente del ERA de la Conseyería de Vivienda y Bientar Social y a partir d'esta fecha toma posesión como Viceconseyeru de Bientar Social hasta agostu de 2007.

Conceyal por IU nel Ayuntamientu de Llaviana de 1987 hasta 2003. Miembru de la Comisión d'Urbanismu d'este Ayuntamientu dende 1987 hasta 2003 y presidente de la mesma dende 1996 hasta 1999. Presidente de la Comisión d'Hacienda dende 2000 al 2003.

Miembru de Xunta de la Mancomunidá del Nalón dende 1987 hasta 2003 ocupando la vicepresidencia de la mesma nel últimu mandatu.

Coordinador d'IU en Llaviana dende la fundación de la organización d'izquierdes en 1986.

Anguaño ye miembru de la executiva, de la presidencia y del conseyu políticu d'I.U. d'Asturies.

Forma parte del PCE dende va 33 años, siendo miembru de los muérganos de dirección del PCA y Secretariu Xeneral del Comité Llocal de Llaviana y Altu Nalón

Fui Responsable de Política Municipal d'I.U. y dende la so creación ye miembru de la Fundación Emilio Barbón en representación d'IU d'Asturies.

Biografía de Pablo Prieto

Pablo Prieto Fernández (Turon, 1978). Participó activamente nel momientu asociativu xuvenil asturianu nel ámbitu estudiantil.

Director de la Casa de la Xuventú de Turón. Trabayó nel Ayuntamientu de Mieres. Coordinó la Oficina del Defensor del Xoven, muérganu dependiente del Conseyu de la Xuventú del Principáu d'Asturies. En diciembre d'avientu de 2005 incorporose al gabinete de la Conseyera de Vivienda y Bientar Social, Laura González, onde coordinó ente otres cuestiones, la ellaboración del Plan Asturianu de Vivienda 2006-2008 y el Plan Asturianu d'Inclusión Social 2006-2008.

Formó parte del equipu de coordinación de la campaña ellectoral d'IU d'Asturies, como coordinador d'actos.

Afiliáu a Izquierda Unida y del PCE en Mieres dende va más d'una década, fui miembru de los muérganos de dirección, ente ellos la executiva llocal. Dende va años ye miembru del Conseyu Políticu d'Izquierda Xunida d'Asturies.

Collaboró con varios medios de comunicación como columnista y comentarista.