Menu

Ovidio Zapico, diputáu d'IX na Xunta Xeneral, alvirtió esta mañana n'Avilés de la falta de cumplimientu de parte de les 15 midíes incluyíes nel Plan calidable del Aire d'Avilés, Carreño y Gozón, que tienen de ser evaluaes pol Principáu a finales d'añu, y como amuesa d'esti incumplimientu sorraya los frecuentes incidentes nel puertu d'Avilés, qu'afecten a Salinas y San Juan de Nieva y la suciedá nes ventanes o los tendales que carecen numberosos habitantes de la zona.

Zapico, que va preguntar mañana a la Conseyera d'Infraestructures, polos últimu episodios de contaminación en San Juan de Nieva, recuerda qu'esti Plan calidable del Aire del Principáu nun foi redactáu motu proprio, sinón obligáu pol Ministeriu y de la mesma pola Comisión Europea que detectó que tanto esta contorna como la de Xixón son unes de les más contaminaes d'Europa.

Zapico, qu'alvierte de que sigue habiendo problemes graves de contaminación nel centru d'Asturies, y de que les esplicaciones de la Conseyera Belén Fernández son descomanadamente trunfalistes, repite la so esixencia de control de los focos emisores, l'allugamientu de mididores públicos que puedan ufiertar datos fiables y el pidimientu de ser por demás cuidadosos col movimientu de clinker, según la instalación de apantallamientos, vixilancia y, cuando sía necesariu,  sanciones a los focos emisores.