Menu

El Conceyal de Cooperación Internacional de Xixón, Jesús Montes Estrada, recibió ayeri nel Aeropuertu de Santiago del Monte al grupu d'emigrantes xixoneses residentes en Cuba, participantes nuna nueva edición de la nomada Operación Señardá (Añoranza).

El Conceyal de Cooperación Internacional de Xixón, Jesús Montes Estrada, recibió ayeri nel Aeropuertu de Santiago del Monte al grupu d'emigrantes xixoneses residentes en Cuba, participantes nuna nueva edición de la nomada Operación Señardá (Añoranza).

L'Ayuntamiento de Xixón collabora nesta campaña, que llega a la so XVII edición, col treslladu de 13 persones descendientes d'asturianos que'n so día emigraron a Cuba y que formen parte de la delegación d'emigrantes, y descendientes, asturianos que sube a 80 persones. El grupo xixonés ta compuestu de 8 muyeres y 5 homes, con edaes ente los 62 y los 84 años, que en dalgunos casos nunca conocieron Asturies, o qu'hai ya más de 20 años de la so última visita a la comunidá. Pa este fin la Conceyalía de Cooperación Internacional destina 25.000€ del so presupuestu global pa poder desenrrollar esti programa cola emigración xixonesa.

Durante'l mes d'estancia en Xixón van residir nes sos casas familiares, pudiendo d'esti mou reencontrase coles sos families a les que'n munchos casos namás conocíen por carta o poles fríes llínies telefóniques. A lo llargo d'esti mes el continxente va participar en dellos actos como la presentación del llibru “José y Consuelo: Amor, guerra y esiliu en mi memoria”, el prósimu 2 d'agostu a les 19:00 hores nel Salón de Recepciones del Ayuntamientu  de la autora astur-cubana, y neña de la guerra, Áurea Matilde Fernández Múñiz, tamién participante nesta edición de la Operación Señardá; o la recepción nel Salón de Recepciones de la Casa Consistorial de Xixón na que van ser recibíos pola Alcaldesa de Xixón, Paz Fernández Felgueroso, y pol Conceyal de Cooperación Internacional, Jesús Montes Estrada.

Esti programa permite qu'emigrantes, o los sos descendientes, puedan volver a encontrase coles sos families y col país del que se vieron obligaos a marchar pa entamar una nueva vida allende las mares. Durante el mes d'estancia n'Asturies los y les participantes van tener la oportunidá de reencontrase colos espacios, y les tradiciones del país que se vieron obligaos a dexar nun esiliu marcáu por la señardá, pallabra asturiana que representa el sentimientu de pena al tar lloñe de la so tierra natal y de recuerdu de la cultura que los agospió na primer parte de les sos vides. Les visites que ban desarrollar tienen como oxetivu mostrar les tradiciones y los llugares más emblemáticos de la comunidá.