Menu

11:30 hores, Grau.

La eurodiputada d'IX Ángela Vallina, y el coordinador xeneral d'IX, Manuel González Orviz, ufierten mañana vienres, a les 11:30 hores, una rueda de prensa pa falar de la situación del sector lácteu asturianu.

L'alcuentru colos medios va desenvolvese na Casa de Cultura de Grau, onde, desenvuélvese una xornada sobre "la crisis del sector lácteu asturianu nel contestu européu ya internacional", entamada pol Grupu de la Izquierda unitaria Europea. Izquierda Verde Nórdica (GUE-NGL). L'oxetivu d'esta xornada ye encetar la situación d'una actividá tradicional pero estratéxico nel desenvolvimientu del agru asturianu.

L'espertu francés Gerard Choplin va ufiertar la primer ponencia na que va analizar "el sector lácteo nel contestu internacional". Dempués ta prevista, amás, una mesa redonda na que van participar el voceru d'IX na Xunta Xeneral del Principáu, Gaspar Llamazares, l'eurodiputáu portugués Miguel Viegas, y el secretariu xeneral de UGAM, Cantabria, y responsable lácteo de COAG, Gaspar Anabitarte.

Los alderiques van siguir con una mesa redonda na que van participar Ángela Vallina, María José Miranda, responsable de Mediu de Rural y diputada d'IX na Xunta Xeneral del Principáu, y la secretaria xeneral de COAG Asturies, Mercedes Cruzado.