Menu

El portavoz parlamentariu d’IU-BA-Verdes solicita un compromisu d’inversión pa les industries que pesllen o abandonen Asturies
Alejandro Suárez comprométese a combatir la especulación urbanística que se puede esconder detrás del treslláu de General Dynamics de los terrenos de La Vega

El portavoz parlamentariu d’IU-BA-Verdes solicita un compromisu d’inversión pa les industries que pesllen o abandonen Asturies
Alejandro Suárez comprométese a combatir la especulación urbanística que se puede esconder detrás del treslláu de General Dynamics de los terrenos de La Vega

El portavoz del grupu parlamentariu IU-BA-Verdes na Xunta Xeneral, Jesús Iglesias, presentó a la mesa de la cámara tres preguntes parlamentaries sobre la situación qu'atraviesen tres importantes industries de la rexón -Naval Gijón, Loza San Claudio y la fábrica de General Dynamics, antigua Santa Bárbara-, que pon en riesgu la pervivencia de 500 emplegos estables y de calidá n’Asturies.

Jesús Iglesias recordó qu’Asturies nun algama superar una situación d’“emerxencia industrial” que compromete emplegos estables, de calidá y con derechos, “de los que casi ya nun hai”. Según Jesús Iglesias nun ye necesariu ser mui mal
pensáu pa presumir que nel casu de Santa Bárbara y nel de Naval Gijón ralentizaron y ocultaron información, nos últimos meses, como consecuencia de la proximidá de les eleiciones. Una vez fináu'l procesu ellectoral aváncense les decisiones que ponen en riesgu la pervivencia del emplegu en ambes industries. Resulta sorprendente, a xuiciu del portavoz parlamentariu d’IU-BA-Verdes, l'axilidá cola que’l Gobiernu Socialista de la rexón espresó la so conformidá tantu nel casu de Naval Gijón como nel de Santa Bárbara.

“La realidá d’estes industries ye, de nuevu, espresión d’un modelu perversu de reconversión industrial que na nuesa comunidá autónoma tien al menos 30 años d’antiguedá”, aseguró Iglesias na so comparecencia ante los medios de comunicación en la Xunta Xeneral del Principáu. Esti modelu “perversu” ye asina porque significa qu'Asturies pierde emplegu  industrial y los asturianos “pagamos por perder esti emplegu”. Les condiciones sociales acaben pagándose por estos procesos de reconversión suponen importantes cantidaes de dineru públicu.

Jesús Iglesias sorayó qu’Asturies tien que buscar un modelu que sía alternativu a ésti que durante 30 años significó pérdida d’emplegu y de recursos. Na bahía de Cádiz, como resaltó'l portavoz parlamentariu y Coordinador Xeneral d’IU d’Asturies, finó un procesu de reconversión diferente, nel que les empreses que marchen y les alministraciones, que queden, comprometen recursos pa producir nueves inversiones que xeneren actividá económica, industrial y puestos de trabayu.

“La prioridá del Gobiernu d’Asturies tien que ser el mantenimientu d’estes industries y nos supuestos nos que nun sía posible, tien que ser capaz de diseñar un modelu alternativu de reconversión que signifique un compromisu d’inversión de les empreses que se van y de les alministraciones públiques pa iguar nueves actividaes y emplegos industriales que compensen el desaniciu d’estes industries”, esplico’l portavoz del grupu parlamentariu d’IU-BA-Verdes.

Alejandro Suárez, candidatu d’IU-BA-Verdes n’Uviéu, nos pasaos comicios ellectorales, aseguró que la coalición va llevar a cabu, col grupu d’IU nel Congresu de los Diputaos, una serie d’iniciatives pa tratar de combatir cualquier tipu d’especulación que se pretenda facer colos terrenos de la fábrica de la Vega, n’Uviéu, propiedá del Ministeriu de Defensa, onde ta asentáu agora General Dynamics. Suárez considera que detrás d’esta operación de treslláu de la fábrica a Trubia ta “l’intentu de Gabino de Lorenzo, del gobiernu de la derecha, d’especular colos suelos de Santa Bárbara”. El futuru que se decida sobre los 120.000 metros cuadraos qu’agora ocupa General Dynamics n’Uviéu van servir pa definir el modelu de ciudá que va tener Uviéu: una ciudá al serviciu de los constructores -si sigue adelante'l treslláu- o un cambio de rumbu que pal qu'inda ta a tiempu.

“Gabino de Lorenzo necesita’l suelu de la fábrica de La Vega pa construir el modelu de 'ciudá losa', ya qu’esos terrenos van servir pa financiar les loses anunciaes pol alcalde del PP”, dixo’l candidatu d’IU-BA-Verdes.
Con respectu a la situación qu’atraviesa la fábrica de Loza de San Claudio, Suárez cree qu’esta ye la primer oportunidá d’Areces d’entamar a gobernar en “coalición cola sociedá”, términu acuñáu pol presidente d’Asturies durante los
últimos díes. Alejandro Suárez recordó qu’Areces nun accedió hasta’l momentu a la petición de reunión colos trabayadores, tal como-y pidió una delegación del Ayuntamientu y los sindicatos de la fábrica.

Ante los dos problemes llaborales Izquierda Xunía va tener una actitú activa y d'esixencia colos responsables del Principáu y del Ayuntamientu.