Menu

Llamazares considera posible ya imprescindible garantizar un modelu de consumu de carbón propio

Izquierda Xunida va demandar nel parlamentu nel parlamentu asturianu una posición común de tolos grupos en defensa del sector del carbón, que cunte col sofitu de sindicatos, fuerces polítiques y conceyos pa esixir al Gobiernu nacional que cumpla de manera estricta ya inmediata l'alcuerdu “Marco d'Actuación pa la Minería del Carbón 2013-2018” y l'establecimientu d'una posición común nel ámbitu de la Unión Europea pa revertir el conteníu de la Decisión 787/2010 UE, que na  práctica significa'l fin de l'actividá en 2018.

Esta Proposición Non de Llei que va defender IX foi sofitada esta mañana pola Federación d'Industria de CCOO, con que los sos máximos responsables, Damián Manzano y Jaime Martínez Caliero (esti postreru de Minería) caltuvieron una xunta Gaspar Llamazares, vocera de la coalición y el diputáu Ovidio Zapico.

A xuiciu de Llamazares, este ye'l momentu d'establecer un frente común, como yá se fixo cola llegada de l'AVE, teniendo en cuenta qu'inda non se formó un nuevu gobiernu. Aunir fuerces ye “posible ya imprescindible”, dixo Llamazares pa garantizar un modelu de consumu de carbón propio, frente al d'importación que foi'l principal factor enerxéticu mientres l'añu pasáu. “Nun hai nenguna razón pa qu'esti consumu nun sía de carbón nacional”, alvirtió'l voceru parlamentariu d'IX, quien recuerda qu'económicamente la esplotación de xacimientos n'Asturies supunxo un elementu fundamental pal desenvolvimientu de la economía industrial d'Asturies y anguaño la minería emplega a más de 3.000 trabayadores de forma directa.

Damián Manzano, secretariu xeneral de la Federación d'Industria de CCOO, esixó la xunta inmediata y urxente de la comisión de siguimientu del Plan del Carbón, cuidao que fai más d'un añu de la finalización del decretu qu'esixía un porcentaxe de consumu nacional y nun esiste, poro, nengún mecanismu válidu que garantice dichu consumu. Nesa llínea denunció l'incumplimientu flagrante del Marcu d'Actuación y l'adopción de midíes pa poner fin. De la mesma, anque reconoció les dificultaes pa que la UE rectifique la fecha de fin de la minería, esplicó que nun hai tiempu que perder” pa camudala.

Manzano esixó tamién que la minería nun sía una arma refundiza con fines electoralistes, como yá se produció en fecha recién y punxo como exemplu la esperiencia de sectores que se consideraben “desahuciaos” va dos años como'l naval “y güei son una actividá de referencia”.