Menu

Énte los resultaos nes eleiciones llocales celebraes el 27 de mayu de 2007 con 30 conceyos nos que nun esiste la mayoría absoluta, les organizaciones firmantes acuerden favorecer la estabilidá políitca nestes corporaciones al traviés del apoyu mutuu según les circunstancies concretes en cada casu.

Énte los resultaos nes eleiciones llocales celebraes el 27 de mayu de 2007 con 30 conceyos nos que nun esiste la mayoría absoluta, les organizaciones firmantes acuerden favorecer la estabilidá políitca nestes corporaciones al traviés del apoyu mutuu según les circunstancies concretes en cada casu.

Teniendo en cuenta la variabilidá de situaciones, acuérdase lo siguiente:

Garantizar que seya escoyíu/ida alcalde/sa, el candidatu/a de la fuercia política acordante qu'algamare mayoría relativa y mayor númberu de votos.

Descartar la presentación de candidatures ellí onde puea esistir dalguna posibilidá d'intervención d'un terceru que distorsione l'acuerdu establecíu.

Garantizar el día 16 de xunu de 2007 la eleición, como alcalde/sa, al candidatu/a de la organización política acordante qu'algamare mayor númberu de votos nes eleiciones del 27 de mayu, nun siendo la llista más votada y cuando ente dambes sumen mayoría absoluta.

Mantener l'alcuerdu a favor del candidatu más votáu naquellos Ayuntamientos onde se necesite, amás, el concursu de terceros pa llograr l'alcaldía.

Encamentar y afalar, dientro de les particularidaes específiques de cada conceyu, que s'establezan acuerdos políticos de gobernabilidá ente los firmantes cola fin de garantizar a lo llargo del mandatu gobiernos municipales estables.

En virtú d'esti alcuerdu alcanzáu güei n'Uviéu, IX-BA-Verdes va tomar posesión de les alcaldíes de: Casu, Degaña, Illas, Castrillón, L.lena y Santa Olaya d'Ozcos. L'alcuerdu va garantizar l'alcaldía al PSOE en 15 conceyos, en 13 de los que ye la llista más votada y valdría cola abstención d'IX pa que'l candidatu socialista presida la corporación: Ayer, Bual, Cangas del Narcea, Xixón, Llangréu, Llaviana, Mieres, Morcín, Navia, Parres, Riosa, Teberga y Avilés mientres qu'en Ribeseya y Noreña, el PSOE va necesitar l'apoyu d'IX p'algamar l'alcaldía.