Menu

La Comisión Executiva d'Izquierda Xunida d'Asturies acordó güei por unanimidá recuperar la plena posesión y usu de la so sede central na Plaza d'América que llegalmente-y correspuende, frente a la ocupación de la que fuere oxetu dende va dalgunos díes por persones ayenes a la so organización.

La Comisión Executiva d'Izquierda Xunida d'Asturies acordó güei por unanimidá recuperar la plena posesión y usu de la so sede central na Plaza d'América que llegalmente-y correspuende, frente a la ocupación de la que fuere oxetu dende va dalgunos díes por persones ayenes a la so organización.

En plena campaña eleutoral, cuando'l conxuntu de la organización taba trabayando activamente nos comicios al conceyu y a l'autonmía, un grupu de persones que formen parte d'otres fuercies que competíen eleutoralmente contra les candidatures d'Izquierda Xunida/Bloque por Asturies/Los Verdes, tomó posesión de los despachos de la nuesa organización, impidiendo'l normal funcionamientu del operativu eleutoral ya inorando ya incumpliendo los alcuerdos contractuales soscritos nel so día ente'l PCE ya IX d'Asturies.

Estes persones protagonizaron actos cola única finalidá de dificultar el normal funcionamientu de la organización d'IX d'Asturies nun momentu especialmente sensible pa cualesquier fuercia política tratando de minar asina les sos posibilidaes eleutorales. Ente otros llamentables fechos, nesos díes, y amás d'esa ocupación, destruyóse la cámara de seguridá de la sede, cortáronse les llínies telefóniques y d'internet, indispensables pal funcionamientu eleutoral y cambiáronse les peslleres de los despachos.

La direcición d'Izquierda Xunida d'Asturies, énte esti brutal ataque al so normal y democráticu funcionamientu, y habida cuenta del momentu eleutoral nel que nos alcontrábemos, decidió actuar con prudencia, buscando alternatives a dicha actuación y asina dedicar tolos esfuercios a esplicar les propuestes programátiques qu'ufiertaba al conxuntu de los ciudadanos y ciudadanes de la nuesa Comunidá Autónoma. Una vez finalizáu esti procesu eleutoral, la organización d'Izquierda Xunida d'Asturies tomó la decisión de proceder a normalizar l'usu de la so sede dende l'estrictu respetu a los protocolos que regulen la rellación entre'l PCE ya Izquierda Xunida d'Asturies y, n'especial, los contratos d'arriendu de les sos sedes, onde en nengún casu se contempla la utilización de les mesmes por otra fuercia política. La direición d'Izquierda Xunida d'Asturies llamenta fondamente la situación creada, completamente ayena a la so voluntá. Por embargo, y atendiendo a la esixencia inmensamente mayoritaria del conxuntu de la organización y al normal funcionamientu de cualesquier fuercia política nun tuvieron más remediu que proceder a tomar la decisión d'exercer los sos drechos contractuales pa llograr el normal funcionamientu, respondiendo a una agresión ensin precedentes per parte de persones que son yá ayenes al proyeutu políticu d'IX d'Asturies.