Jesús Iglesias, candidatu a la presidencia del gobiernu d'Asturies d'IU-BA-Verdes, participó esta mañana xunto con abondos candidatos llocales de la coalición, na manifestación del 1 de Mayu, convocada unitariamente polos sindicatos Comisiones Obreres y UXT.
Jesús Iglesias, candidatu a la presidencia del gobiernu d'Asturies d'IU-BA-Verdes, participó esta mañana xunto con abondos candidatos llocales de la coalición, na manifestación del 1 de Mayu, convocada unitariamente polos sindicatos Comisiones Obreres y UXT. Al finar la manifestación, el Coordinador Xeneral d' IU d'Asturies aseguró que nestos momentos n'Asturies nun debemos escaecer una realidá: que'l mantenimientu de los derechos de los trabayadores ta amenazáu. “La xeneración d'emplegu que se produjo nos últimos tiempos significó un reconocimientu inferior d'estos mesmos derechos y ye un emplegu de poca calidá, inestable nel que los trabayadores alcuéntrense en peores condiciones pa defender esi puestu de trabayu”, dixo Jesús Iglesias na Plaza del Ayuntamientu d'Avilés, onde finó la xornada reivindicativa.
El candidatu a la presidencia del gobiernu d'Asturies tamién recordó que'l 1 de Mayu nun tien que ser namás un ritual de manifestación, sino “un puntu de reflesión e involucración de los trabayadores d'esta comunidá autónoma”.
Con respectu a la posibilidá d'una fuelga nel sector de la limpieza, el candidatu a la presidencia, aseveró que ye “lógico” que los trabayadores lluchen pol mantenimientu y la defensa del emplegu, nuna comunidá onde “ya naide ta asustáu porque haiga una fuelga”. “Ye legítimo que los trabayadores recurran a la fuelga cuando les víes de negociación quedaron cerraes ”, esplicó Iglesias. Del mesmu mou, Iglesias constató que los trabayadores perdieron capacidá alquisitiva nos últimos años, demientres que les empreses acumulen beneficios “mui importantes”. Ante esta situación ye razonable que los trabayadores pidan una participación en dellos beneficios al traviés del incrementu de los sos salarios.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies