Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX de San Martín va apostar pola verdadera política d'izquierdes que necesita'l conceyu

La candidatura d'Izquierda Xunida de Samartín del Rei Aurelio, encabezada por Julio Antuña, va trabayar con un oxetivu únicu: consiguir un conceyu modernu, dinámicu y caltenible, qu'atienda d'igual mou a la fastera rural qu'a les poblaciones de mayor tamañu. Asina lo espresó'l candidatu a l'alcaldía de Sanmartín del Rei Aurelio en presencia de Jesús Iglesias, Coordinador Xeneral d'IX d'Asturies y candidatu a la presidencia del gobiernu asturianu d'IX-BA-Verdes,  y Manuel Benayas, miembru del Bloque por Asturies y segundu na llista llocal.

La candidatura d'Izquierda Xunida de Samartín del Rei Aurelio, encabezada por Julio Antuña, va trabayar con un oxetivu únicu: consiguir un conceyu modernu, dinámicu y caltenible, qu'atienda d'igual mou a la fastera rural qu'a les poblaciones de mayor tamañu. Asina lo espresó'l candidatu a l'alcaldía de Sanmartín del Rei Aurelio en presencia de Jesús Iglesias, Coordinador Xeneral d'IX d'Asturies y candidatu a la presidencia del gobiernu asturianu d'IX-BA-Verdes,  y Manuel Benayas, miembru del Bloque por Asturies y segundu na llista llocal.

Julio Antuña, añadía amás, que'l conceyu necesita un gobiernu "d'izquierdes, de verdá", qu'impulse la vivienda, l'emplegu, la llingua asturiana y ufierte un tratamientu más xustu a la fastera rural del conceyu. "Nun vamos entrar en polémiques con otros partíos porque nun ayuden a solucionar los problemes de la xente", dicía Antuña como declaración d'intenciones. El candidatu llocal punxo como exemplu de trabayu'l fechu na Conseyería de Vivienda y Bientar, frutu del cualu ta construyéndose  la residencia de Sotrondio, yá que va suponer la creación d'un númberu importante d'emplegos y va atender les necesidaes de la población mayor. "Esti ye l'exemplu d'otra forma de facer política y son los valores que defendemos con ilusión pa realizar el cambiu en profundidá qu'esti conceyu necesita", esplicó'l candidatu llocal.

Jesús Iglesias, candidatu a la presidencia del gobiernu asturianu d'IX-BA-Verdes, aseguró, na rueda prensa de la Casa la Cultura de L'Entregu, que la drecha nun tien nenguna posibilidá de gobernar nin en Samartín del Rei Aurelio nin n'Asturies, dempués del 27 de mayu. El día de les eleiciones "Asturies namás tien que decidir si cuenta con una mayor presencia de la izquierda tresformadora pa condicionar la política autonómica" aseveró Jesús Iglesias. Estos resultaos permitiríen a IX d'Asturies y a los sos coaligaos presionar pa incrementar les polítiques empobinaes a la mayor calidá d'emplegu y a un trabayu más estable, continuar con una política de vivienda na que prima la construída con dalgún réxime de proteición frente a la llibre, un aumentu del gastu social y el compromisu de crear 1.000 places públiques más nes residencies; crear un mayor númberu de centros de día y places d'atención domiciliaria, y, ente otres coses,  llograr una mayor capacidá d'autogobiernu pa qu'Asturies s'equipare al restu de comunidaes autónomes.

CANDIDATURA IX/BA/VERDES  SMRA

  1. Julio Antuña Román
  2. Manuel Benayas Bode
  3. José Alfonso García Suárez
  4. Inmaculada Fuentes Fdez.
  5. Leticia García Pumares
  6. Javier Antuña Suárez
  7. José Raúl Castellanos Serrano
  8. Beatriz  Fdez. García
  9. Paula García Corte
  10. Esteban Cepedal Estrada
  11. José Luis Rozada García
  12. Nuria Martínez Vallina
  13. Julio Glez. Bernardo
  14. Ilenia Muradas Martínez
  15. Yolanda Gutiérrez Zapico
  16. Ana Luisa Velasco Canellada
  17. Nicanor Vallina Piñera

SUPLENTES

  1. José Manuel Gutiérrez Castaño
  2. Belén Pumares Fdez.
  3. Fco. Javier Alvarez Fuente
Volver

Compartir

2014 Izquierda Xunida d'Asturies - Política de privacidad - Política de cookies