Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX va recuperar l'alcaldía de Castrillón

"Esta ye la candidatura que va recuperar el gobiernu municipal pa la izquierda en Castrillón". Asina definía Jesús Iglesias, candidatu d'IX-BA-Verdes a la presidencia del gobiernu asturianu, la llista encabezada por Ángela Ballina en Castrillón, la candidatura de la honradez nun conceyu gobernáu por alcuerdos que responden a "intereses mui particulares". El Coordinador Xeneral d'IX d'Asturies y candidatu d'IX-BA-Verdes a la presidencia de gobiernu garantizó que col gobiernu de la coalición nel conceyu volverán a primar los intereses xenerales de los ciudadanos.

"Esta ye la candidatura que va recuperar el gobiernu municipal pa la izquierda en Castrillón". Asina definía Jesús Iglesias, candidatu d'IX-BA-Verdes a la presidencia del gobiernu asturianu, la llista encabezada por Ángela Ballina en Castrillón, la candidatura de la honradez nun conceyu gobernáu por alcuerdos que responden a "intereses mui particulares". El Coordinador Xeneral d'IX d'Asturies y candidatu d'IX-BA-Verdes a la presidencia de gobiernu garantizó que col gobiernu de la coalición nel conceyu volverán a primar los intereses xenerales de los ciudadanos.

Esta victoria d'IX de Castrillón va suponer una "gran aportación al avance de les nueses candidatures en toa Asturies y poro, un mayor númberu de diputaos y un avance de los cambios políticos a los qu'aspiren los ciudadanos", aseguró Jesús Iglesias na presentación de la candidatura, celebrada en Piedras Blancas.

El candidato d'IX-BA-Verdes realizó un repás de lo que supunxo la incorporación de la coalición al gobiernu d'Asturies: un vuelcu na política de vivienda de proteición, la consecución del salariu social pa 7.000 asturianos, les tresferencies de Xusticia y un llargu etcétera que deben culminar el 27 de mayu con un mayor sofitu eleutoral pa poder dar continuidá a les polítiques yá iniciaes.

Jesús Iglesias solliñó la necesidá de llevar alantre, na próxima llexislatura, polítiques d'emplegu que seyan más efeutives. El candidatu reconoció que creció'l númberu d'emplegos n'Asturies, pero gran parte del mesmu ye un trabayu precariu col que los empresarios consiguen una mayor plusvalía y tovía son munchos los xóvenes que siguen necesitando vivir fuera d'Asturies pa obtener un trabayador. La política industrial tien de garantizar la vocación de permanencia de les empreses nel territoriu y aprovechar la formación industrial de miles de trabayadores asturianos.

El candidatu al gobiernu del Principáu tamién abogó pola reforma del Estatutu d'Autonomía, yá que nun esiste, al so xuiciu, nengún motivu pa que cuando concluya la próxima llexislatura tea o nun tea redautáu. Del mesmu mou, punxo de relieve les contradicciones del Partíu Popular, qu'afaló la redaición de nuevos Estatutos en toles comunidaes autónomes, esceuto n'Asturies.

Ángela Ballina prometió trabayar por y pa los ciudadanos y desenrrollar un programa de fechos y non de promeses, pa llograr una sociedá más xusta, más ecoloxista y más asturianista. "Vamos trabyar con tresparencia, honradez, claridá y bona xestión", concluyó la candidata, dempués de facer un repás a la convulsa llexislatura qu'agora finaliza.

CANDIDATOS

  1. Angela Ballina de la Noval
  2. Guillermo Ballina Menéndez
  3. Rosana Templado de la Fuente
  4. José Ramón Rodríguez Alonso
  5. Juan Alberto Fernández
  6. Yasmina Trigueiro Pérez
  7. José Luis Garrido Gómez
  8. Ana Isabel Reigueira (Verdes)
  9. Maica Barrios Abarrio
  10. José Manuel Fernández Riesco
  11. Carmen García García
  12. María José Menéndez
  13. José Chito Moreno
  14. Patricia Mesa González
  15. Constantino Menéndez González
  16. Ricardo Álvarez Fernández (Verdes)
  17. José Antonio Valdés Villanueva
  18. Laura Mesa González
  19. Geli Catalán
  20. Manuel González Orviz
Volver

Compartir

2014 Izquierda Xunida d'Asturies - Política de privacidad - Política de cookies