Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Manifiestu del 1 de Mayu

Algamar más emplegu estable y con derechos ye un de los obxetivos d'Izquierda Xunía d'Asturies. Ye cierto que los datos económicos confirmen una meyoría na rexón, pero les cifres de desemplegu siguen siendo verdaderamente dramátiques pa x óvenes y muyeres.

POR UN EMPLEGU ESTABLE Y DE CALIDÁ

Algamar más emplegu estable y con derechos ye un de los obxetivos d'Izquierda Xunía d'Asturies. Ye cierto que los datos económicos confirmen una meyoría na rexón, pero les cifres de desemplegu siguen siendo verdaderamente dramátiques pa x óvenes y muyeres. Munchos de los nuesros x óvenes vense obligaos a emigrar a otres rexones en busca d'un trabayu. El mercáu llaboral asturianu tamién se caracteriza pola eventualidá y la temporalidá. Dende IU tamién constatamos la utilización, por parte d'un sector de les empreses, de los trabayadores autónomos como una falsa forma de trabayu asalariáu, convirtiéndolo en un fenómenu de precariedá de nuevu cuñu. Hai dellos factores que mos esmolecen: la merma de 10.000 emplegos nel sector industrial nel añu 2006 y la desllocalización, qu'amenaza continuamente a los nuesos trabayadores.

Pa IU el modelu de rellaciones llaborales tien que caracteurizase pol respetu de los derechos básicos de los trabayadores, la equiparación salarial ente homes y muyeres, la llucha escontra los accidentes llaborales que se tan convirtiendo nun auténticu drama ... . Hoi, más que nunca, vuelve a ser necesariu lluchar por contratos que garanticen derechos conquistaos va décades y que ufierten la estabilidá imprescindible pal desarrollu vital de les persones.

Pa nosotros, Asturies tien que ser una rexón con una xera económica dinámica, diversificada y moderna. Pa ello, debemos aprovechar la nuesa tradición industrial, apostando polos sectores que fueron pilar de la economía de nueso durante munchos años y utilizar les oportunidaes que surden de la innovación industrial. La apuesta pola Investigación, el Desarrollu y la Innovación ye otru de los instrumentos que deben ser utilizaos p'alganmar estos obxetivos. Asturies tien como retu garantizar el desarrollu alternativu de territorios como les comarques mineres y siguir avanzando na diversificación d'otres como les zones siderúrxiques. Ensin olvidar, por ello, otros dos sectores mui importantes: el campu y la pesca. Asturies va tener futuru en cuanto consigamos combinar y aprovechar todos estos sectores, iguando más empreses que ufierten más emplegu estable y con derechos.

Los homes y muyeres d'Izquierda Xunía siguiremos recorriendo esti camín de llucha polos derechos de los y les trabayadores, trabayando dende les instituciones y dende la sociedá.

¡¡VIVA EL 1º DE MAYU!!

 

Volver

Compartir

2014 Izquierda Xunida d'Asturies - Política de privacidad - Política de cookies