Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX d’Asturies comprométese a aumentar les inspeiciones llaborales pa frenar la siniestralidá llaboral

Jesús Iglesias considera que los riesgos llaborales son ún de los problemes más importantes que padecen los trabayadores asturianos

Jesús Iglesias considera que los riesgos llaborales son ún de los problemes más importantes que padecen los trabayadores asturianos

Jesús Iglesias, candidatu d’IX-BA-Verdes a la presidencia del gobiernu asturianu,  participó esta mañana nos actos conmemorativos del XXX Aniversariu de Comisiones Obreres y nun homenaxe al so fundador Juan Muñíz Zapico, que cuenta con una cai col so nome nel barriu xixonés de Contrueces. Iglesias amosó la so satisfaición porque el mapa de cais de ciudaes como Xixón seya una amuesa de reconocencia de les persones que llucharon poles llibertaes y polos trabayadores, frente a otres como Uviéu y Villaviciosa, onde gobierna la drecha que siguen teniendo cais y places que lleven el nome d’El Caudiellu, Plaza del Xeneralísimu o Coronel Aranda, y qu’impiden, por embargu qu’una estación de tren como la de Llamaquique lleve’l nome de Clara Campoamor. Iglesias  aseguró que ye importante constatar eses diferencies nel alderique políticu actual, toa vez que yá foi aprobáu’l proyeutu de Llei de la Memoria Hestórica. El Coordinador Xeneral d’IX d’Asturies reiteró la necesidá de que’l PP condergue’l franquismu y retire los sos símbolos de los llugares públicos.

Del mesmu mou, Jesús Iglesias aseguró, nel Día Internacional de la Salá Llaboral, que la “siniestralidá ye ún de los problemes más importantes de los trabayadores que padecen n’Asturies un eleváu númberu d’accidentes”. Namás nos dos primeros meses del añu n’Asturies ocurrieron 4 accidentes mortales nel tayu y un total de 7.203 accidentes nel trabayu, 3.425 d’ellos seles y otros 3.392 graves. Izquierda Xunida d’Asturies va apostar por xubir los niveles competenciales d’Asturies en materia d’inspeición llaboral p’aumentar les posibilidaes de control de les empreses. Del mesmu mou, considera necesario incrementar el númberu d’inspeutores de trabayu y delegaos de riesgos llaborales. Nesi sen, Izquierda Xunida Federal plantegó nos presupuestos de 2006 una enmienda destinada a aumentar, de forma importante, el númberu d’inspeutores en tol territoriu, enmienda que, desgraciadamente, el gobiernu de José Luis Rodríguez Zapatero nun fizo efeutiva na so totalidá. Namás realizó una convocatoria de places nun númberu menor al de la propia partida. Esto último ye una amuesa de “la poca sensibilidá del gobiernu socialista a la hora de combatir el fraude na contratación y la siniestralidá llaboral”, dixo Jesús Iglesias

Volver

Compartir

2014 Izquierda Xunida d'Asturies - Política de privacidad - Política de cookies