Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Jesus Iglesias y Francisco Baragaño coinciden na necesidá d’establecer un modelu económicu de futuru p’Asturies

Jesús Iglesias, Coordinador Xeneral d’IX d’Asturies y candidatu a la presidencia del Principáu d’IX-BA-Verdes y Noemí Martín, númberu trés de la circunscripción central, caltuvieron un alcuentru cola direutiva del sindicatu USO pa conocer de primer mano les sos inquietúes. Lo mesmo Francisco Baragaño, Secretariu Xeneral de la Unión Sindical Obrera como Jesús Iglesias manifestaron el so esmolecimientu pola fin de la construcción de les grandes infraestructures y poles consecuencies derivaes de la so conclusión si nun s’afalen proyeutos d’activación económica nos próximo años. El descensu de la inversión y la perda d’emplegos puen ser una realidá, desgraciadamente, si nun s’apuesta por un modelu económicu que prime’l sector industrial y l’emplegu de calidá.

Jesús Iglesias, Coordinador Xeneral d’IX d’Asturies y candidatu a la presidencia del Principáu d’IX-BA-Verdes y Noemí Martín, númberu trés de la circunscripción central, caltuvieron un alcuentru cola direutiva del sindicatu USO pa conocer de primer mano les sos inquietúes. Lo mesmo Francisco Baragaño, Secretariu Xeneral de la Unión Sindical Obrera como Jesús Iglesias manifestaron el so esmolecimientu pola fin de la construcción de les grandes infraestructures y poles consecuencies derivaes de la so conclusión si nun s’afalen proyeutos d’activación económica nos próximo años. El descensu de la inversión y la perda d’emplegos puen ser una realidá, desgraciadamente, si nun s’apuesta por un modelu económicu que prime’l sector industrial y l’emplegu de calidá.

Francisco Baragaño tamién solliñó, na rueda de prensa, que la preocupación del sindicatu alcuéntrase, amás del emplegu, nel accesu a la vivienda y nel incrementu continuu del preciu de los créitos que tienen de solicitar los demandantes de primera vivienda. Jesús Iglesias, que comparte’l diagnósticu col sindicatu USO, recordó delles iniciatives plantegaes por IX-BA-Verdes nel programa eleutoral col que va concurrir a les próximes eleiciones, ente elles les ayudes al pagu d’hipoteques. La coalición propón establecer una llínia d’ayudes al pagu d’hipoteques pal primer accesu a la vivienda, constituyíes a partir del añu 2000 p’aquelles persones que nun dispongan d’otra vivienda en propiedá nin drechu d’usufructu y que la so unidá familiar tenga unos ingresos perbaxo de 3,5 vegaes l’Indicador Públicu de Renta d’Efeutos Múltiples (IPREM). 

Jesús Iglesias y Francisco Baragaño plantegaron nel so alcuentru que’l desenrrollu económicu de la rexón tien de realizase d’una forma sostenible, yá que d’otru mou taría acabando con ún de los motores de futuru d’una rexón como Asturies. IX d’Asturies ye, pel momentu, la única formación política qu’establez contautos cola Unión Sindical Obrera, de cara a les próximes eleiciones.

Volver

Compartir

2014 Izquierda Xunida d'Asturies - Política de privacidad - Política de cookies