Menu

L’agricultura y el mediu rural n’Asturies nun ye un asuntu central del alderique políticu na nuesa comunidá. Redúxose la política agraria a la pura y dura xestión presupuestaria, empobinada a la llegada a Asturies de les másimes ayudes posibles de la PAC que van empobinaes a quienes menos tienen falata d’ello y a fomentar les grandes esplotaciones. Esiste una clara estratexa pa facer desapaecer l’agricultura familiar. El seutor cayó actualmente, nuna actitú de "salvese’l que pueda" que fomenta un creciente individualismu y la solución de "garra les perres y cuerri".

L’agricultura y el mediu rural n’Asturies nun ye un asuntu central del alderique políticu na nuesa comunidá. Redúxose la política agraria a la pura y dura xestión presupuestaria, empobinada a la llegada a Asturies de les másimes ayudes posibles de la PAC que van empobinaes a quienes menos tienen falata d’ello y a fomentar les grandes esplotaciones. Esiste una clara estratexa pa facer desapaecer l’agricultura familiar. El seutor cayó actualmente, nuna actitú de “salvese’l que pueda” que fomenta un creciente individualismu y la solución de “garra les perres y cuerri”.

Nun se pue entender a Asturies ensin el so mediu rural vivu. El nuesu desendolcu económicu y ambiental va tar siempre llendáu ensin una agricultura y ganadería de base campesina, seya familiar o asociativa. Entovía teniendo en cuenta los márxenes que nesti ámbitu imponen les normes internacionales de la OMC y la PAC a Asturies proponémos-y les siguientes actuaciones:

Vamos impulsar una Llei de Desarrollu Rural que tenga como referencia un modelu social d’agricultura sostenible, con agricultores abondo pa evitar el despoblamientu, la desertización y los desequilibrios territoriales, y que dea prioridá a los agricultores a títulu principal.

Vamos desenvolver el Plan Estratéxicu de Producción Ecolóxica, evaluando y revisando a los dos años el so conteníu y vamos ampliar la so dotación económica. Vamos poner en marcha prorames pa la promoción de la producción y del consumu institucional.

Vamos poner en marcha los contratos d’esplotación nos que les ayudes van tar suxetes a criterios d’econdicionalidá, ye dicir a la utilización de sistemes de producción respetuosos col mediu ambiente y el mantenimientu del emplegu.

Vamos sostener en tolos ámbitos de l’actuación política y cola másima fuerza, la posición de mantener vixente (más alla del 2008 y del 2015) el sistema de cuotes lláctees, adecuando’l so funcionamientu (control de la producción) a criterios sociales, territoriales y de sistema de producción abasaos en recursos de prosimidá.

Vamos evitar la mercantilización de les ayudes direutes (derechos de pagu únicu) y de los derechos de producción. Poro, toa asignación gratuita de derechos de pagu ha pasar pela Reserva Nacional qu’ha operar con criterios sociales, territoriales, ambientales y de sistema de producción bonos pa la tierra y la sociedá.

Vamos fomentar y promocionar los productos asturianos de calidá.

Vamos apoyar la diversificación agraria, potenciando la producción y impulsando la distribución y comercialización de fruta y hortaliza prioritariamente pal mercáu asturianu teniendo en cuenta’l potencial que representa’l fechu qu’actualmente menos del 3% del so consumu se produz nel país. Vamos abrir nueves canales de comercialización específico y principalmente de tipu cortu, controlaos polos propios proudctores.

Vamos facer efectivo la proclamación d’Asturiers como territoriu llibre de tresxénicos mesmo agrícoles como forestales y impondremos toles restricciones posibles dientro del ámbitu de competencies de la Comunidá Autónoma. Vamos impulsar los sistemes d’alimentación ganadera llibre de semilles tresxéniques.

Les ayudes que canalice Asturies van ser modulaes y con topes másimos por esplotación y va tenese en cuenta pa la so asignación criterios sociales, territoriales, ambientales y de sistemes de producción.

El Bancu de Tierres va pasar de ser un xestor de la desapaición d’esplotaciones a promotor del accesu a la tierra de nueves instalaciones empobinaes pola flesibilidá y la progresividá na instalación y baxo criterios sociales, territoriales, ambientales y de sistemes de producción, con especial atención a l’agricultura de prosimidá y ecolóxica.

Vamos facer un programa, con dotaci´ón presupuestria, en conveniu con Ayuntamientos y el texíu asociativu, pal impulsu de los güertos ciudadanos.

Política Forestal

Vamos protexer específicamente les manches boscoses autóctones del país, especialmente los robledales y les viesques de ribera.
 
Vamos fomentar la certificación forestal pública de sostenibilidá de les producciones madereres asturianes, dando cumplimientu a lo recoyío na Llei de Montes y Ordenación Forestal. Vamos impulsar, nesti sen, que la madera qu’emplegue l’alministración asturiana tea certificao como proveniente d’esplotaciones sostenibles.

Vamos meyorar los medios pa la guardería ambiental o forestal.

Vamos evitar la espansión d’especies forestales de medre rápidu, n’especial ocalitos, promoviendo les reformes llegales qu’impidan la medra de la so superficie.

Vamos poner en marcha un plan de conservación, llimpieza y puesta en valor de los calces de los ríos y les biesques.

Vamos concertar nun solu organismu de l’alministración la prevención d’incendios, la estinción y la investigación pa ser más eficaces nel tratamientu de los incendios forestales.