Menu

El nuevu coordinador xeneral satisfechu d'un procesu nel que s'integren les sensibilidaes mayoristes de la organizacion

Izquierda Xunida d'Asturies clausuró güei n'Avilés  la so asamblea con una candidatura unitaria, sofitada de forma apolmonante y na que s'integraron les sensibilidaes mayoritaries de la organización. El coordinador xeneral, Ramón Argüelles, manifestó'l so prestu por una resultancia que, al so xuiciu, va reforzar a la formación pa ser una ferramienta útil na defensa de les refugayes de la xente. "Ye una bocanada d'aire fresco pa plantegar el futuru que yá ta ende pa muncha xente que nos precisa".

L'oxetivu agora ye, añedió Argüelles, "trabayar la converxencia p'atopar l'espaciu al pie de otros compañeros y vamos presentar una verdadera alternativa d'izquierdes. Si somos capaces de ponenos d'alcuerdu neso, yo nun refugo que nes próximes elecciones, na izquierda asturiana apaeza una fuerza que pueda apostar escoyer y ser la fuerza más votada".

Tocantes a les llínees d'actuación, les bases tán puestes, gracies al alcuerdu que dexó consensuar una llista unitaria, afirmó'l nuevu coordinador xeneral. "Colo de güei, con esti xubidón, pos yá podemos focalizar nes converxencies, digamos. Cualos van ser, yá faláramos que na dirección que sala d'esto va haber una secretaria de Converxencia y vamos caminar y vamos caminar, poques gracies, falando con Podemos, que son el nuesu interlocutores próximos, pero hai otres fuerces de la izquierda, como dicía, que tamién tienen que ver con nós".

Les fórmules de converxencia queden abiertes y van ser les que, en cada momentu, esclarió Ramón Argüelles, decida IX. "¿El modelu de la marea pue ser? Pue ser, El modelu Barcelona de mancomún, pue ser, pero va ser el que decidimos n'IX d'Asturies porque creemos que sí o sí hai qu'integrase nel conflictu social y queremos dir na mesma unidá y na mesma cohesión que salimos d'equí".

La llista aprobada pa la nueva coordinadora inclúi representantes de toles llínees mayoritaries, con 17 delegaos de la corriente del nuevu coordinador, 16 d'Alejandro Suárez y 15 más de Fernando Díaz Rañón.

De cara a próximes acciones, ye necesario, según Ramón Argüelles, tender pontes con Podemos. "Tenemos que sumar y poner coses de mancomún. Tenemos que consensuar coses con ellos pa obligalos, cola so fuerza y la nuesa pa que'l PSOE xire la cara escontra la izquierda, que dacuando-y dan tentaciones de votar a la derecha como vimos nel presupuestu o como vimos col casu de Rajoy. Faigamos fuerza, faigamos pinza dende la izquierda pa que n'Asturies haya polítiques d'Izquierda".

Argüelles esclarió qu'IX siempres va preferir un gobiernu d'izquierdes y de la mesma van facilitar un presupuestu d'izquierda. Eso sí, enfatizó, "un presupuestu d'izquierda que nos tien que presentar el partíu que ta gobernando, porque ye l'obligao pa esto".

L'asamblea cerró files p'aprobar la candidatura que solo contabilizó 4 votos en contra y 6 astenciones d'un total de 378 delegaos acreditaos.