IX y CC OO piden al Gobierno voluntá d'alcuerdu sincera pa llograr unos presupuestos d'izquierda
Ramón Argüelles y Antonio Pino defenden el carbón como sector estratéxicu y esixen una solución a los problemes de xestión del Reconquista
Izquierda Xunida d'Asturies y Comisiones Obreres d'Asturies tán en sintonía tocante a les necesidaes y prioridaes xenerales de la Comunidá Autónoma, tres l'alcuentru que caltuvieron partíu y sindicatu esta mesma mañana. El coordinador xeneral d'IX, Ramón Argüelles, y el secretariu xeneral de CC OO, Antonio Pino, coincidieron na necesidá de cuntar con unos presupuestos d'izquierda pa 2017, la importancia de la concertación social o la urxencia de dar solución, d'una vegada por toes, al conflictu del Hotel de Reconquistar, con una dirección que yá foi condergada poles sos práctica llaborales
La xunta, la primera que caltien Ramón Argüelles de forma oficial como coordinador xeneral d'IX, sirvió tamién pa encetar la situación de la minería del carbón, un sector que, enfatizó, ye irrenunciable mientres se sigua quemando esti mineral nes térmiques españoles. “Tamos a favor de la nacionalización d'esti recursu porque, yá que nun somos escedentes en petróleos nin n'otres enerxíes alternatives que pueda haber, pos tenemos que tener un recursu estratéxicu”. Solo asina va poder evitase, señaló, la importación del carbón con sangre y especulación.
P'Antonio Pino, los presupuestos tienen de ser prioritarios, más porque, recordó, los actuales son unos presupuestos que, nel so momentu, fueron frutu del pactu del PSOE col PP. “Creéivos que nun sería bono sobremanera que'l Gobiernu, que ye quien tien que liderar el buscar un alcuerdu ente les fuerces d'esquierda y de progresu pal presupuestu facer con postureos y tacticismos políticos. Nun queremos pensar eso y compartimos dalgunes de les idees que se tán plantegando nel marcu del presupuestu. Toles que tienen que ver cola xusticia social, cola llucha contra'l fraude, con impuestos medioambientales…”: Y ente elles citó l'impuestu de sucesiones, qu'IX defendi, con un cambéu del erru de saltu y que, señaló Pinu, tender a magnificar cuando, en realidá, afectó a menos de 5.000 persones dende 2012 a 2015, precisamente a les de más recursos d'Asturies.
El secretariu xeneral de CC OO reivindicó amás la necesidá de la concertación y planes d'emplegu porque, añedió, sigue habiendo necesidá nuna Comunidá onde'l paru rexistráu ye penriba de 83.000 persones desemplegaes. Antonio Pinu esplicó que l'alcuerdu robláu pola FAC pa implementar los planes d'empléu nun se ta proxectando de forma fayadiza a los Conceyos. “Queremos faer un llamamientu al Gobiernu y a la FAC por que nun atopemos pela puerta de tras que se nos puedan cayer en bona midida los planes d'empléu que siguen siendo social y laboralmente necesarios”.
La xunta ente IX y CC OO incluyó tamién la esixencia d'infraestructures básiques como la Variante ferroviaria de Payares, un proyectu nel que, a xuiciu de Pino, “ta tomándosenos el pelo”, daos los continuos retrasos o les diferencies presupuestaries inxustificables ente los tramos gallegos, dotaos con cantidaes 1.600 millones d'euros, frente a los asturianos que solo algamaron los 190 millones.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies