Menu

"Los sindicatos son pieces fundamentales pal desarrollu d’Asturies y, poro, elementos indispensables pa garantizar l’éxitu d’un gobiernu d’izquierdes” asina lo afirma Jesús Iglesias, candidatu d’IX a la Presidencia del Principáu por IX, organización que va incorporar al so programa electoral la reedición de la concertación social con un nuevu plan pa los años 2008 a 2012. 

"Los sindicatos son pieces fundamentales pal desarrollu d’Asturies y, poro, elementos indispensables pa garantizar l’éxitu d’un gobiernu d’izquierdes” asina lo afirma Jesús Iglesias, candidatu d’IX a la Presidencia del Principáu por IX, organización que va incorporar al so programa electoral la reedición de la concertación social con un nuevu plan pa los años 2008 a 2012. 

            El Coordinador Xeneral d’IX afirmó qu’entovía ye necesario un mayor xiru social nos próximos gobiernos asturianos qu’amplíe los aciertos del ADECE y corrixa les insuficiencies detectaes. "Asturies necesita una firme puxa poles polítiques industriales capaces de diversificar el nuesu texíu productivu ya impulsar nuevos sectores. Asturies necesita xenerar empléu de calidá, reforzando la llucha contra la precariedá, temporalidá y siniestrabilidá llaboral. Asturies necesita un gobiernu con un firme compromisu social que mantenga les polítiques de vivienda pública, tal y como esplicaron los sindicatos mayoritarios de la nuesa comunidá”, afirmó Jesús Iglesias.

            Pa IX d’Asturies “na próxima llexislatura UXT y CCOO van ser imprescindibles gobierne quien gobierne. Los grandes asuntos d’Asturies requieren la participación de toos y más d’organizaciones como los sindicatos. La participación sindical na reordenación territorial d’Asturies, na meyora del sistema públicu de tresportes, nel debate sobre la xestión del agua, nel diseñu d’un programa enerxéticu, ye incuestionable. Ensin el movimientu obreru asturianu toos estos retos, qu’Asturies entovía tien pendientes, nun se van resolver d’alcuerdu a los intereses de la mayoría social. UXT y CCOO son la garantía de más tresparencia, más calidá y más igualdá nel diseñu de toes eses polítques públiques. Un amplu alcuerdu social ha ser el nerviu d’actuación del futuru gobiernu d’izquierdes d’Asturies”, afirmó el coordinador xeneral d’IX.

             A lo cabero, IX d’Asturies anunció que nel programa electoral va incluyir la incorporación de los sindicatos mayoritarios a les sociedaes del IDEPA como Asturex, Asturgar o la Sociedá Rexonal de Promoción y la creación d’un Foru permanente pola Industria que vaya más allá d’unes xornaes de reflexón.