Menu

Izquierda Xunida d’Asturies, con absolutu respetu a la independencia del poder xudicial y a les sentencies que del mesmu surdan, entiende desmesurada la condena de tres años a Juan Manuel Martínez Morala y Cándido González Carnero.

Izquierda Xunida d’Asturies, con absolutu respetu a la independencia del poder xudicial y a les sentencies que del mesmu surdan, entiende desmesurada la condena de tres años a Juan Manuel Martínez Morala y Cándido González Carnero.

Esto responde a la modificación del Códigu Penal qu’impulsó nel so día’l Gobiernu de José María Aznar criminalizando práctiques revindicatives avezaes nes lluches de los trabayadores. El PP emplegó como coartada la llucha antiterrorista pa endurecer les penes y facilitar la condena de sindicalistes y activistes políticos o sociales.

Ésti fenómenu, impulsáu dende los Estaos Xuníos, estendióse a la mayoría de les democracies occidentales. Asina, hai menos d’una selmana, interexonal de Bruseles del sindicatu belga FGTB amuesó la so repulsa pola condena de miembros de Greenpeace qu’ocuparen temporalmente un edificiu pa colgar una pancarta y de militantes del movimientu antiglobalización recurriendo a normes incluyíes nuna nomada “Llei Antiterrorista”, aprobada en 2003.

Ente esta situación, Izquierda Xunida d’Asturies va desenvolver una riestra d’iniciactives y propuestes cola fin d’evitar que los sindicalistes ingresen en prisión y que se continue criminalizando la llucha de los trabayadores o los activistes sociales o políticos. “Na nuesa democracia nun puede haber presos llaborales”, dixo Jesús Iglesias, Coordinador Xeneral d’Izquierda Xunida d’Asturies.

Na mañana de güei Jesús Montes Estrada (coordinador d’IX en Xixón), Jesús Iglesias y Gaspar Llamazares caltuvieron conversaciones telefóniques p’alcordar esta riestra de propuestes dende Izquierda Xunida. Jesús Iglesias dio anuncia que” el Grupu Parlamentariu d’IX nel Congresu de los Diputaos va defender la modificación urxente del Códigu Penal pa eliminar la reforma del PP. Vamos a esixir al presidente del Gobiernu, José Luís Rodríguez Zapatero, que modifique los tipos penales que dieron sitiu a la condena de Juan Manuela Martínez Morala y Cándido González Carnero”, afirmó Iglesias. Esta inciativa va estendese tamién a la Xunta Xeneral del Principáu d’Asturies onde IX tamién va presentar una iniciativa nesti sentíu.

Pola so parte, el portavoz municipal y coordinador d’IX en Xixón, Jesús Montes, conxuntamente col Responsable de Política Municipal d’IX d’Asturies, Alberto Tirador, puxarán por alcuerdos nos gobiernos municipales de la esquierda plural o nos plenos de los Ayuntamientos d’Asturies respaldando’l cambiu legal.

P’acabar, si la sentencia condenatoria alcanzara firmeza enantes de que los cambios llexislativos se produxeren, Izquierda Xunida d’Asturies puxará una campala pa solicitar l’indultu pa Morala y Carnero. Jesús Iglesias manifestó que “nun podemos tolerar una nueva versión del “TOP” (Tribunal d’Orde Públicu).