Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

17/03/2017

IX va caltener el so sofitu a les reivindicaciones d'independencia del pueblu saharagüi

Ramòn Argüelles destaca'l compromisu históricu Izquierda Xunida colos saharuis

Ángela Vallina denuncia l'intentu de la Comisión Europea de tratar a Marruecos como "alministradora" de los territorios ocupaos pa cerrar alcuerdos d'esplotación de los sos recursos al marxe de los saharuis

Izquierda Xunida d'Asturies va caltener el so sofitu a les reivindicaciones del pueblu saharui frente a la ocupación marroquina y p'esixir la celebración d'un referéndum que dea cumplimientu a los resolvimientos de les Naciones Xuníes que, sicasí, fueron conculcadas de forma repitida ensin que la comunidá internacional punxera frenu a les ambiciones territoriales de Rabar.

Nuna rueda conxunta con representantes de la Unión Nacional de Muyeres Saharagüis, el coordinador xeneral d'IX Asturies, Ramón Argüelles, denunció la situación que, mientres delles décades, sufre la ex colonia española, pa la que reclamó una fuerte acción de toles instituciones democrátiques pa garantizar que se cumplen los sos derechos. “Pa nós la llucha del pueblu saharui, de les sos muyeres, de los sos neños, de la so sociedá, ye la llucha d'IX: ta nel nuesu ADN y va ser unu de los nuesos principales motivos d'actuación, igual que lo fore mientres tola hestoria d'esta organización”.

Pa la eurodiputada Ángela Vallina la llucha de los saharagüis pa recuperar el control sobre'l so destín ta na axenda d'IX nel Parlamentu de Bruxeles, que trata de visibilizar el conflictu que, dende 1975 vivise na ex colonia española. Vallina criticó la “flagrante” violación de los derechos humanos y el repitíu incumplimientu de tolos resolvimientos aprobaos pola ONU p'acabar cola ocupación marroquina. A mayores, la parllamentaria denunció'l cinismu de la Comisión Europea, que trata d'aprovechase de los recursos saharuis “inventándose” una figura qu'otorgaría a Marruecos casi'l papel d'alministrador de los territorios ocupaos, no que sería una sustitución d'España como potencia colonizadora pol reinu alauí. “Eso ye dafechu illegal, ye una figura que nun esiste y denunciase”.

L'activista y miembru de la Unión Nacional de Muyeres Saharagüis (UNMS) Jadiyetu El Mohtar quixo estimar el sofitu d'Izquierda Xunida na defensa de los derechos del so pueblu. Pa El Mohtar ye imprescindible caltener la presión pa llograr el fin de la ocupación marroquina, consecuencia, dixo, del abandonu d'España que nun cumplió cola so obligaciones como ex potencia alministradora nel procesu de descolonización. “Estimar que pueblu saharagüi tea presente (n'Asturies y en Xixón) al traviés de programes que tomen tamién l'acoyida de los neños saharagüis, proyectos de cooperación con muyeres, con moces y proyectos de cooperación polo xeneral con tola población”.

Pela so parte, el voceru municipal d'IX en Xixón, Aurelio Martín, destacó'l compromisu del so conceyu cola cooperación internacional y, de forma especial, col Sahara, que llogró, hasta agora, caltenese como prioridá pa los distintos gobiernos municipales.

Volver

Compartir

2014 Izquierda Xunida d'Asturies - Política de privacidad - Política de cookies