Menu

Jesús Iglesias, Coordinador Xeneral d’Izquierda Xunida n’Asturies y José Manuel Buján, Coordinador Territorial de Xueces pa la Democracia, coincidieron, coincidieron ayeri na necesidá d’averar la Xusticia al ciudadanu. Esta ye una de les principales conclusiones del alcuentru que mantuvo’l Coordinador Xeneral d’Izquierda Xunida n’Asturies con una representación de l’Asociación Xueces pa la Democracia na que tamién tuvo presente Francisco Javier García Valledor, Conseyeru de Xusticia, Seguridá Pública y Rellaciones Esteriores y Jose Ignacio Pérez Villamil, Mª Elena Rodríguez Vigil, Francisco Javier Rodríguez Santociles y Carmen Hilda González, miembros de l’asociación xudicial.

Jesús Iglesias, Coordinador Xeneral d’Izquierda Xunida n’Asturies y José Manuel Buján, Coordinador Territorial de Xueces pa la Democracia, coincidieron, coincidieron ayeri na necesidá d’averar la Xusticia al ciudadanu. Esta ye una de les principales conclusiones del alcuentru que mantuvo’l Coordinador Xeneral d’Izquierda Xunida n’Asturies con una representación de l’Asociación Xueces pa la Democracia na que tamién tuvo presente Francisco Javier García Valledor, Conseyeru de Xusticia, Seguridá Pública y Rellaciones Esteriores y Jose Ignacio Pérez Villamil, Mª Elena Rodríguez Vigil, Francisco Javier Rodríguez Santociles y Carmen Hilda González, miembros de l’asociación xudicial.

Jesús Iglesias apostó por llevar alantre una campaña qu’avere a la ciudadanía la Xusticia cola din de que conozan como funciona esta institución y pierdan el mieu a esti órganu democráticu.

Nel alcuentru’l Coordinador Territorial de Xueces pa la Democracia, José Manuel Buján, tamién espresó dalgunes de les necesidaes humanes y materiales que tien la Xusticia n’Asturies. A xuiciu de Xueces pa la Democracia ye necesariu una medria del personal nes sales de Contenciosu-Alministrativu y Social pa facer frente al trabayu y meyores nes redes informátiques y en dalgunes instalaciones como’l Palaciu de Xusticia d’Uviéu y los culgaos d’El Natahoyo, cola fin d’iguar les sos deficiencies. Estes dos últimes instalaciones realizáronse, según Buján ensin tener en cuenta pal so diseñu funcional la opinión de los distintos colectivos que trabayen n’ellos. Por embargu, tres efectuase les tresferencies de Xusticia esta situación cambió. Buján aseguró que nestos momentos la Conseyería, que dirixe Francisco Javier García Valledor, tuvo en cuenta les opiniones y aportaciones de xueces, maxistraos, Colexu d’Abogaos y Procuradores, ente otros, pal diseñu de nueves instalaciones. "Hebo un cambeu esencial na forma de facer dende qu’Asturies asumió les tresferencies", dixo Buján.

Jesús Iglesias, Coordinador Xeneral, asumió’l compromisu de qu’estes "demandes llexítimes y razonables" de los xueces alcontraren concrección ellectoral por parte d’Izquierda Xunida d’Asturies.