Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX va preguntar qué midíes va tomar el Gobiernu ante un colapsu inxustificable de los accesos a los llagos de Enol

Güei que se presentó la campaña Vuelva al Paraísu a IX esmolez-y qu'una campaña basada nos valores naturales, paisaxísticos y medioambientales de la comunidá autónoma coincida prácticamente con un nuevu colapsu mientres la fin de selmana en los accesos a los llagos de Enol .

“Ye una redolada envidiable, principal puerta d'accesu a los Picos d'Europa y ye inxustificable que se vea costantemente nestes situaciones de colapsu”, alvierte'l voceru de Turismu na Xunta Xeneral, Ovidio Zapico. El grupu va realizar nel plenu de la próxima selmana una interpelación pa saber ¿qué midíes y cuándo piensen ponese en marcha pa evitar esta imaxe tan dañible pa la nuesa imaxe turística?.

A xuiciu d'IX solo ye entendible'l casu que se forma dende dos puntos de vista distintos: dende la desidia de l'alministración autonómica o dende la d'otres alministraciones que tendríen que collaborar, como ye la dirección del Parque Nacional, o qu'esista dalguna mano escura que quier eque la única solución al tráficu en Los Llagos pase por apurrir tol tresporte a una empresa.

IX cree qu'hai mecanismos pa regular l'accesu a los Llagos que dexe dar cabida a les iniciatives d'autónomos locales y puédase tamién per mediu de reguladores controlar y faer fluyida la situación.

Volver

Compartir

2014 Izquierda Xunida d'Asturies - Política de privacidad - Política de cookies