Menu

A xuiciu de Llamazares negar l'atención primaria a inmigrantes, a emigrantes nuevos n'Alemaña o negala a los mayores de 26 años ye un atentáu contra la salú pública

El parlamentu asturianu va defender nel Congresu de los diputáu la uniservalidad de la sanidá, terminando coles esclusiones impuestes pol Real Decreto 16/2012 del executivu de Rajoy, una iniciativa d'IX, col so dictame sofitáu güei por tolos partíos de la cámara, a esceición del PP. Gaspar Llamazares, voceru parlamentariu d'IX na Xunta Xeneral, felicitase por esti pasu de la Xunta Xeneral pa recuperar un sistema públicu, universal y gratuitu, baltando'l Real Decretu mentáu y rematando la obra d'un sistema gratuitu nel so usu, financiáu públicamente ya integral, que non solo repara sinón promueve y garantiza la rehabilitación. Al so xuiciu ye una iniciativa que yá non solo ye d'IX, sinón que promueve el “Asturiascare”, frente al “Trumppain”. De la mesma, reconoció qu'esti país, en determinaes cuestiones, fixo bien les coses, y el sistema de salú antes de les reformes, ye una d'elles.

El Real Decretu, dixo Llamazares, copió'l sistema de seguros competitivos del sistema alemán, unu de los menos efectivos dende'l puntu de vista de la salú. España ta ente los cinco primeros puestos y Alemaña per debaxo del puestu 20, cuando'l gastu sanitariu español ye de dos puntos del PIB qu'el d'Alemaña. “Nun había necesidá de modificar el modelu aprovechando la crisis pa involucionarlo, dende un modelu d'asistencia sanitaria universal al de seguros competitivos. Felizmente fracasó”, apuntó Llamazares, sorrayando que -y gustara que'l Congresu yá derogara esti real decretu.

“Negar l'atención primaria a inmigrantes, a los nuesos emigrantes nuevos n'Alemaña o negala a los mayores de 26 años siempres y cuando nun se declaren probes de solemnidá ye un atentáu contra la salú pública y yá se vió n'enfermedaes infeicioses y cróniques y contra l'atención comuñal y de salú .

Dempués de repitir el prestu pola aprobación del dictame, que significa que trés diputaos asturianos van defender esta iniciativa nel Congresu, tamién recordó qu'IX tien posiciones crítiques tocantes a la xestión del sistema de salú nel Estáu y n'Asturies.

Los diputaos que van defender nel Congresu esta iniciativa son el voceru socialista, Fernando Lastra, el voceru d'IX, Gaspar Llamazares y Daniel Ripa, de Podemos.