Jesús Iglesias, Coordinador Xeneral d’Izquierda Xunida d’Asturies, considera que les visites de la Ministra de Fomentu, Magdalena Álvarez, a Asturies avecen xenerar frustración ente los asturianos.
Jesús Iglesias, Coordinador Xeneral d’Izquierda Xunida d’Asturies, considera que les visites de la Ministra de Fomentu, Magdalena Álvarez, a Asturies avecen xenerar frustración ente los asturianos. En teoría, asegura Iglesias, la Ministra vien con bones noticies pero se convierten nun xarru d’agua pa les espectatives d’Asturies. "Casi suena a xarana que se mos diga qu’Asturies va a tener un AVE como’l de Sevilla cuando con suerte tendremos un tren d’Alta Velocidá que xunirá Madrid y Xixón, venti años depués que los andaluces".
Jesús Iglesias amuesa la so preocupación por qu’Asturies siga ensin tener una concreción clara de l’Alta Velocidá. Según los plazos del Ministeriu de Fomentu l’Alta velocidá llegará a Asturies en 2009, pero’l Coordinador Xeneral d’Izquierda Xunida d’Asturies teme que "col escasu compromisu de la Ministra de Fomentu nun se concrete nesa data". Tampoco se sabe entovía que característiques van a tener les llinies ferroviaries dende la so salida de los túneles de Campumanes hasta Xixón y nun s’ellaboraron proyectos del recorríu. "Muncho me temo que’n 2009 tean acabos los túneles y la so instalación elléctrica, con suerte, pero nada más", aseguró Jesús Iglesias.
Iglesias recordó tamién que nos prósimos díes el grupu parlamentariu d’Izquierda Xunida na Xunta Xeneral del Principáu d’Asturies debatirá una proposición Non de Llei instando a qu’el recorríu d’Alta Velocidá tea realizáu en 2009.
Con respectu a l’Autovía del Cantábricu, el Coordinador d’Izquierda Xunida d’Asturies, considera que la Ministra nun aportó nenguna novedá, más allá de lo que yera inevitable pol nivel de tramitación. "La única novedá derivada de la visita ye qu’el segundu tramu de La H.unquera a Llanes se va llicitar en 2007", dixo Iglesias, al mesmu tiempu qu’atribuyó esti anunciu a la enmienda a los Presupuestos Xenerales realizada por Izquierda Xunida pa qu’esto se llevare a cabu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies