Nun puede camudase un alcalde d'izquierda por poner un alcalde de dereches
El coordinador d'IX Asturies, Ramón Argüelles, refugó güei facilitar un Gobiernu al PP n'Ayer, nin siquier nuna supuesta alternanza que diría contra la mayoría d'izquierda que, claramente, salió nes últimes elecciones nesti conceyu. Argüelles esplicó, a entrugues de la prensa, que nun hai na fueya de ruta nenguna previsión pa investir un alcalde popular. “Nun puede camudase un alcalde d'esquierda por poner un alcalde de dereches”.
Ramón Argüelles unvió yá una carta a la presidenta del PP d'Asturies, Mercedes Fernández, en respuesta a la que, primeramente recibiera, na que magar comparte l'analís sobre “lo inaceptable” de la situación política nel Conceyu d'Ayer, o la necesidá de dexar al marxe les diferencies ideolóxiques, resalta la necesidá d'un exerciciu de responsabilidá, que tenga en cuenta la última resultancia electoral n'Ayer. Nesti sentíu, el coordinador xeneral d'IX recuerda a la líder del PP asturianu que la ciudadanía escoyó ser gobernada pola Izquierda, polo que ye imprescindible, “por principiu democráticu” respetar esa mayoría, yá que, cualesquier otra propuesta al marxe d'esa realidá sería “partidista”.
“Por tanto, anímovos a sumavos al cambéu siempres respetando la realidá. Otra cosa anoxa a la conciencia y salú democrática y, lo que ye más importante, devaluaría cualquier crítica a los agora tránsfugas. Cualquier decisión que refuerce a quien güei se retién nel poder pol poder causaría un grave dañu futuru ante posible situaciones similares”, sigue la misiva.
Na carta, IX considera que'l PP ta llamáu, por imperativu éticu y democráticu” a garantizar un nuevu Gobiernu en sintonía cola mayoría social del conceyu: “Nun ye esto, pal PP, una amuesa d'arrogancia, pos l'arrogancia nun puede ser acotada n'asuntos imperativos de calter éticu, pero sí ye un actu d'intelixencia y respetu.”
Argüelles pide a Mercedes Fernández, como máxima responsable del PP n'Asturies, que se alloñar de discursos confusos y táctiques partidistes y anteponer la realidá sociolóxica anque ésta sía-y institucionalmente adversa si, a pesar d'eso, refuerza'l bien común. Nun perdamos más el tiempu yá que como reza un aforismu estrayíu del núcleu del vuesu mancomún ideolóxicu, tamos equí pa sirvir y non pa ser sirvíos”.
Al respective de Morcín, Argüelles esplicó que se trataba d'una situación bien distinta,na que se trataría de sustituyir un alcalde d'esquierda por otru d'izquierda
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies