Menu

Masa califica la iniciativa como una "nueva victoria na batalla de recuperación de la memoria democrática"

Asturies va rellanzar el procesu de verdá, xusticia y arreglu gracies a la moción presentada por IX na Xunta Xeneral del Principáu, y que cuntó col sofitu de PSOE y Podemos. El PP, una vegada más, votó en contra de la iniciativa, al pie de Foru, ente que los de Ciudadanos abstuviéronse.

Masa amosóse bien satisfecha de que la moción saliera adelantre sofitada por una amplia mayoría yá que, dixo, #tratar de “una nueva victoria na batalla de la recuperación de la memoria democrática”. Respectu al refugu de populares y foristas, la diputada aseguró que nun yera xuna sorpresa: “una vegada más se punxo de manifiestu la oposición fuerte de la derecha parlamentaria a esti tipu de meyores, con una reacción bien enérxica y, poques gracies, col so votu en contra”.

La propuesta inclúi la puesta en marcha del Conseyu de la Memoria Democrática, concebíu como un órganu consultivu de participación, que va cuntar, amás con un Comisionado de la Memoria.

La diputada d'IX, Concha Masa, defendió la moción que tamién preve reforzar y ampliar el papel del actual Comité d'Espertos en relación cola memoria democrática d'España y Asturies. La parllamentaria reivindicó, amás, la necesidá d'incorporar al sistema educativu asturianu l'estudiu, promoción y divulgación de la cultura democrática, al pie de los sos valores máximos de llibertá, tolerancia, pluralismu y memoria democrática.

Na moción, encamienta al Gobiernu d'Asturies a que se dirixa al Gobiernu del Estáu cola fin d'impulsar la creación d'una Comisión de la Verdá sobro los crímenes del franquismu. Tratase d'un órganu de calter non xudicial y de vixencia llindada, empobinada a esclariar los fechos, causes y consecuencies sobro los derechos humanos, perpetaos pol réxime franquista, siguiendo, nesti casu, los encamientos de la ONU, tres la recién visita a España del so Grupu de Trabayu sobro Desapaiciones Forzaes ya Involuntaries.

A lo último, la iniciativa d'Izquierda Xunida obliga al Gobiernu d'Asturies presentar na Cámara xuna comunicación sobro'l desenvolvimientu normativu de la Llei Estatal de Memoria y el so necesariu impulsu n'Asturies. Nesti casu, la comunicación tendrá de garantizar y faer efectivos los derechos humanos a la verdá, la xusticia y l'arreglu a tolos asturianos y asturianes.