Menu

Marina Albiol, Paloma López, Ángela Vallina y Javier Couso denuncien que llueñe de ser un exemplu, tal que asegura la web del Mecanismu Européu d'Estabilidá, el rescate bancariu pue tar violando les normes europees de competencia y financióse “a cuenta de fondos retayaos nos servicios públicos”

Los eurodiputaos que componen la delegación d'Izquierda Xunida nel Parlamentu Européu dirixieron una entruga a la Comisión Europea na que pregunten a la institución si, como s'asegura na páxina web del Mecanismu Européu d'Estabilidá (MEXE), considera que'l rescate bancariu al Estáu español foi “un exemplu d'ésitu”, teniendo en cuenta la perda de 60.613 millones d'euros tal que reconoció'l Bancu d'España nel so Informe sobro la crisis financiero y bancario n'España, 2008-2014.

La vocera, Marina Albiol, y les eurodiputaes y l'eurodiputáu Paloma López, Ángela Vallina y Javier Couso, creen que si s'analicen los datos publicaos el pasáu 15 de xunu pol regulador español, los aponderamientos del MEXE “resulten contradictorios col costu públicu del programa”, que se financió “a cuenta de fondos retayos nos servicios públicos”.

Los representantes d'IX na Eurocámara amuesen les sos duldes de que l'empléu d'esos 60.613 millones d'euros s'axuste a la normativa europea sobro competencia, polo que quieren que la Comisión esplique si nun podría llegar a considerase xuna ayuda d'estáu illegal, al ser emplegada pa rescatar a la banca privada.

Coles mesmes, cuestionen si “la falta de tresparencia” en tol procesu, “la fayadiza supervisión de les entidaes rescataes” o “la reprivatización acelerada d'entidaes” como la recién alquisición del Banco Popular pol Banco Santander en cuenta de un euru, puede contribuyir a “aumentar el costu del rescate”.

El pasáu llunes, Paloma López rexistró otra entruga al Bancu Central Européu na que pide esplicaciones al regulador empobináu por Mario Draghi qu'esplique cuál foi'l so papel “nel diseñu del rescate financieru” de 2012, si la so estimación de “les perdes efectives a fecha de güei” coinciden coles del Bancu d'España y cuál va ser “el costu total del rescate hasta'l so finalización”. A lo último, cola fin de “auditar los sobrecostos” del rescate, entruga si nun considera necesariu un mayor exerciciu de “tresparencia nes cuentes y operaciones del Fondu de Reestructuración Ordenada Bancaria y del Fondu de Garantía de Depósitos d'Entidaes de Creitu”.