Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Ovidio Zapico denuncia la escesiva lentitú del Principáu pa desenvolver el reglamentu de avistamientu de fauna selvaxe

El diputáu d'IX aboga por una xestión sostenible de tolos recursos turísticos

Ovidio Zapico, diputáu d'IX na Xunta Xeneral, esplica que'l Gobiernu asturianu tien de plantegase en serio la sostenibilidá del turismu, lo qu'afecta tamién al avistamientu de la fauna, como yá plantegó IX na Xunta Xeneral, demandando un reglamentu pa esti asuntu. Énte les quexes de los trabayadores de les oficines de turismu sobro la falta d'información, el diputáu llamenta la forma “desesperadamente lenta” del Gobiernu autonómicu pa executar esta Proposición Non de Llei aprobada nel parlamentu por unanimidá en mayu del añu pasáu.
 
Pal diputáu d'IX, el turismu ta ante una bona temporada y los indicadores asina lo demuestren, pero p'asitiar una importante industria que yá supera en demasía'l 10% del PIB, tienen de garantizase trés aspeutos: asegurar l'empléu calidable, encetar les cuestiones rellacionaes con polítiques que dexen la desestacionalización y daqué fundamental, el desenvolvimientu sostenible. “Tenemos de creenos la sostenibilidá, palabra qu'afata'l Programa de Turismu pa los próximos años”. IX esixe yá'l decretu mandatáu  pola Xunta Xeneral y, al reinicio del cursu políticu, volverá plantegar la so aplicación.
 
“Nel avistamiento de la fauna tenemos un nuevu exemplu de necesidá de regular y el Gobiernu autonómicu ta actuando d'una forma desesperadamente lenta en tolo que concierne a los métodos pa reparar la fauna selvaxe, especialmente l'osu pardu, una especie que ye un elementu de gran interés medioambiental, con una población nun estáu meyor que décades atras”, esplica'l diputáu d'IX.  Al so xuiciu ye necesario actuar con parámetros que dexen garantizar la so supervivencia y desenvolver actividaes de avistamiento ensin entorpecer la vida de los plantígrados. “Esto va sirvir tamién pa la berría, que va tener llugar en septiembre, y que tamién precisa unos parámetros regulatorios”, diz.

Volver

Compartir

2014 Izquierda Xunida d'Asturies - Política de privacidad - Política de cookies