Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles denuncia l'acosu machista que sufren les socorristes de Xixón

Declaraciones como les del conceyal alimenten el discursu qu'aprovecha l'anonimatu nes redes sociales, diz el coordinador d'IX

El coordinador xeneral d'IX, Ramón Argüelles, amuesa'l so sofitu a les socorristes de Xixón, que tán sufriendo, al so xuiciu, un acoso deriváu del machismu que impera na nuesa sociedá. “Ye llamentable, qu'a estes altures, dos trabayadores tengan que soportar una persecución en foros nacionales d'Internet, medios de comunicación ya inclusive nel so propiu puestu de trabayu”, alvierte'l coordinador d'IX. IX reclama que se ponga puntu y final a esti acosu machista entamáu qu'implica que, nesti momentu, haya un foru buscando datos pa identificales.
 
Pa Ramón Argüelles ye inadmitible que representantes de les alministraciones públiques, como ye'l conceyal de Seguridá del Conceyu de Xixón, utilicen argumentos repitíos y pelegrinos  como si la causa del problema fuera una prenda de vistir, nesti casu'l traxe de bañu, y por estensión  les muyeres que la lleven. “Nun poner frenu a estos fechos alimenta'l discursu machista n'una sociedá qu'utiliza l'anonimatu nes redes sociales para acosar a les muyeres”, esplica Argüelles.
 
Toos estos fechos que vivimos nos últimos tiempos, ponen de manifiestu la necesidá de polítiques públiques de persecución del acosu machista. “Creemos que l'Institutu Asturianu de la Muyer tien de tomar  midíes inmediates para protexer a les muyeres”, alvierte'l coordinador d'IX.

Volver

Compartir

2014 Izquierda Xunida d'Asturies - Política de privacidad - Política de cookies