Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX consigue paralizar el proyectu de la subestación eléctrica de Llaviana

Hai yá años instalárase en Peña Mayor una antena de telefónica qu'entá nun sabemos pa qué sirve y supunxo una gran estroza

La oposición de Leticia Gil, conceyala d'IX en Llaviana, consiguió que l'equipu de Gobiernu paralizara, enagora, l'aprobación provisional del Plan Especial pala instalación d'una subestación eléctrica en Llaviana, equivalente a la estensión d'ocho campos de fútbol. L'argumentación de la conceyala d'IX consiguió convencer na Comisión  d'Urbanismu a los demás partíos presentes de qu'esi proyectu yera una barbaridá pal Conceyu.  Gil pon de relieve que los demás grupos de la oposición nun fixeron los sos deberes y desconocíen les característiques reales del proyectu, anque dempués de la intervención d'IX decidieron paralizalo pa estudialo con más detenimiento.
 
“Toi satisfecha del nuesu trabayu, que nun yera una tema fácil, porque ye una victoria pal nuesu Cconceyu y pa los vecinos afectaos que son munchos. Esperemos que se paralice definitivamente”, diz Gil.
 
Ente les cuestiones que Leticia  Gil alegó atópense les siguientes: que'l citáu Plan Especial fai mención a una crecedera vexetativa nel conceyu que nun ye real, yá que de toos ye conocío que Llaviana pierde población día tres día. Tampoco ye cierta la previsión de demanda industrial qu'utiliza la solicitú pa xustificar esta macroestación, cuando nun hai nengún referente d'industria nesta zona. Tamién la cercanía a les viviendes y la estroza medioambiental que va causar esti proyectu que, en resume, “nun va apurrir nada pal conceyu”.
 
“Nun podemos dexar pasar esti proyectu, porque tamos falando d'una subestación que sería como ocho campos de futbol, y trés llínees de torres eléctriques, que pasaríen por La Carba-La Rebollá- Barredos y Villoría-Tañes-San Isidro, estrozando munches hectárees de los nuesos montes, baltando montes de castañales y afarando zones de campera” –diz Gil.
 
“Amás taría asitiada enriba xusto de La Pola Llaviana, (Sospelaya_Pando), mui cerca de viviendes y veríase dende cualesquier parte. Ye una destrucción total del nuesu Conceyu y un proyectu qu'a Llaviana nun apurriría nada”- añede Gil
 
A xuiciu de Gil, cualquier actuación d'esta naturaleza nun tien de considerase de manera aisllada, sinón que tendría que ser oxetu d'estudiu con una reorganización de toles infraestructures del Valle.
 
“Esti plan especial yera un preséu aparente pa recuperar y potenciar el nuesu patrimoniu industrial non por que nos estrocen el nuesu monte con infraestructures d'esti caláu que provocaríen un impactu ambiental tarrecible y que nun apurren nada.”, repite Gil.
 
Esti proyectu foi refugáu yá n'otros conceyos vecinos y según IX Llaviana da la sensación de que'l partíu socialista dexa que s'instalen nel nuesu conceyu tolo que nun quier naide, diz la vocera d'IX.
 
“Hai yá años instalarase en Peña Mayor una antena de telefónica qu'entá nun sabemos pa qué sirve y supunxo una gran estroza”, recuerda.

Volver

Compartir

2014 Izquierda Xunida d'Asturies - Política de privacidad - Política de cookies