Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

08/08/2017

ÉNTE EL DISCUTINIU A la fin DEL XIRINGÜELU 2017

Dende Izquierda Xunida de Pravia, y énte lo que consideramos un sobredimensionamientu interesáu d'unos intolerables sucesos del pasáu domingu, queremos faer delles considerancies.

Dende Izquierda Xunida de Pravia, y énte lo que consideramos un sobredimensionamientu interesáu d'unos intolerables sucesos del pasáu domingu, queremos faer delles considerancies:

1. Lo asocedío cuando un grupu de persones negarase a abandonar el chigre de la fiesta cuando esta yá terminara nin representa nin ye significativo d'una fiesta de la magnitú ya importancia como'l Xiringüelu. Solamente representa a una minoría incontrolada que, lamentablemente, atópase, en mayor o menor midida, en tou eventu popular en cualquier puntu de Asturies.

2. El Xiringüelu ye la fiesta por excelencia de Pravia y nella damos cita les vecines y vecinos del conceyu al traviés de les distintes peñes que mientres meses preparamos con ciñu la que ye la fiesta que nos representa a toes. Lamentablemente la imaxe sobro la que se pon el focu ye la de la minoría de quien nun respeten la fiesta y non la de moces y mozos non tan mocedá que tan construyendo mientres una selmana les sos casetes, la de grupos d'amigues y amigos esfrutando d'un domingu de diversión o la de les families que, magar too, siguen calteniendo'l puntu d'unión cola romería tradicional.

3. La estensión del accesu a les nueves tecnoloxíes solamente sirve para magnificar sucesos aisllaos y non representativos como los asocedíos dempués de terminar la fiesta del domingu. Esa sobredimensión solamente ayuda a perder la perspectiva y escaecenos d'otres dómines nes que la tónica xeneral yera la quema de casetes, afogamientos o agarraes. Los númberos d'intervenciones médiques o detenciones acrediten la bona planificación en materia de seguridá per parte de la Confrería del Xiringüelu.

4. Per otru llau, relativu al discutiniu del desallugu del prau Salcéu, tendríamos de valorar con oxetividá y perspectiva qué fiesta queremos tener y qué consecuencies tenemos d'asumir. Dexar un prau a escures, con delles decenes de persones nesi estáu, podría desaguar en consecuencies muncho más graves dende les quemes o posibles agresiones aprovechando les casetes yá vacíes.

5. Finalmente gustaríanos treslladar la nuesa felicitación tanto a la Confrería del Xiringüelu como a toles romeres y romeros qu'esfrutaron y fixeron posible que la fiesta de Pravia fora tou un ésitu. Y toes aquelles y aquellos que la intentaron enturbiar, que nos dexen tener la fiesta en paz.

Pravia, 8 d'agostu de 2017

Volver

Compartir

2014 Izquierda Xunida d'Asturies - Política de privacidad - Política de cookies