Ovidio Zapico recuerda que se trata d'una vía bien transitada por ciclistes y peatones
Ovidio Zapico, diputáu d'IX na Xunta Xeneral, rexistró este mesmu llunes una entruga al executivu autonómicu pa saber cuándo tien previstu faer una llimpieza en fondura los marxes de la carretera AS-263 entre Pría y Posada, en Llanes, una carretera bien transitada por ciclistes y peatones pel branu. A xuiciu del diputáu, la maleza ta comiéndose non solo los marxes de la carretera sinón el mesmu arcén, lo qu'enzanca'l tránsitu y xenera riesgos na seguridá tanto de ciclistes y peatonos como de los mesmos vehículos, pola so mala visibilidá. “El Gobiernu rexonal tien qu'actuar con celeridad nesta carretera que lleva dos años ensin llimpiar y poner los mecanismos necesarios por qu'esta situación de tanto retrasu de la llimpieza de les carreteres n'Asturies nun se repita”, esixe'l diputáu d'IX responsable de los asuntos d'Infraestructures y Mediu Ambiente.
Ovidio Zapico recuerda qu'esti problema, el del retrasu na llimpieza de los marxes de les carreteres ye un asuntu xeneralizáu n'Asturies pol que al grupu parlamentariu d'IX y a les organizaciones locales y conceyos lleguen numberoses protestes.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
