Izquierda Xunida va refugar el nuevu modelu de financiamientu pales Comunidaes Autónomes que supondría, d'aplicase la propuesta agora conocida del grupu d'espertos ensin nengún tipu de corrección , una perda de 137 millones d'euros.
El coordinador xeneral, Ramón Argüelles, y el voceru parlamentariu, Gaspar Llamazares, aseguraron güei que'l Gobiernu del Principáu tien de llantar cara a lo que sería una auténtica agresión a los servicios públicos, dada la fuerte perda de recursos. Pa ello, el máximu responsable de la formación y el diputáu, esixeron una respuesta consensuada que tien de ser puesta en marcha pol executivu rexonal pos, al so xuiciu, ye imprescindible “que teamos xuníos d'una vegada por toes pa temes tan importantes como ye'l financiamientu autonómicu”.
Argüelles esixó al presidente que busque alcuerdos y que, xuntu con otres Comunidaes qu'igualmente van ser perxudicaes col nuevu modelu de financiamientu que se propón, col fin de, dixo, “faer un frente común” esixendo que'l financiamientu sía igual “pa tolos y toles españoles”.
Pa Llamazares, confírmense los efectos regresivos” nuna propuesta que, criticó, nun ye d'espertos sinón “eminentemente política”, directamente rellacionada coles mayoríes parlamentaries del PP. “Ye involucionista pa Asturies porque non solamente nun ameyora'l financiamientu de los servicios públicos sinón qu'apunta a un nuevu y brutal retayu de la sanidá, la educación, los servicios sociales o la xusticia”.
El voceru d'IX na Xunta Xeneral del Principáu reclamó al Gobiernu asturianu que dexe de “mirar escontra otru llau” pa, añedió, “comprometese con un modelu de financiamientu solidariu pal conxuntu del Estáu, comprometese colos grupos políticos asturianos y comprometese coles Comunidaes Autónomes que, na so inmensa mayoría tienen una posición similar a la d'Asturies”.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
