Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares pide a Javier Fernández qu'abandone la so alianza cola derecha y recupere el compromisu del cambéu

El voceru adelantra qu'IX va poner sobro la mesa midíes concretes p'abrir el diálogu na izquierda

Gaspar Llamazares, voceru parlamentariu d'IX na Xunta Xeneral, realizó esta mañana un allugamientu al executivu asturianu a que “abandone l'alianza cola derecha y recupere, de dalguna manera, el compromisu de cambéu cola izquierda, col progresu social y colos trabayadores asturianos”. Llamazares realizó estes declaraciones dempués de presentar la entruga que va formular a Javier Fernández na so vez d'entrugues al Presidente del plenu del vienres. Considera que Fernández tien de empezar cuanto antes esi diálogu na esquierda, dempués del llargu periodu d'interinidá na Presidencia del Principáu frutu de los procesos internos del PSOE y la FSA. Al so xuiciu ye necesariu recuperar la iniciativa y saber qué piensa faer Javier Fernández por que la segunda metá de la llexislatura “nun sía una llexislatura perdida pa les necesidaes ya intereses de los asturianos”. Sobre esti asuntu espera la respuesta de Javier Fernández.

Llamazares adelantró qu'IX va poner enriba de la mesa una axenda y un calendariu claru qu'evite que los dos años que queden de llexislatura puea perdese pa una mayoría de cambéu. Nesa axenda figuren midíes nel ámbitu social, de rexeneración democrática, de modernización d'Asturies o asuntos como l'asturianu. “Eses midíes son posibles nestos 20 meses que queden”, esplicó.

Llamazares esplicó que'l Gobiernu contactó con IX pa encetar los presupuestos, anque a la de la rueda de prensa la cita nun fuera afitada, pero podría ser a finales d'esta selmana.

Volver

Compartir

2014 Izquierda Xunida d'Asturies - Política de privacidad - Política de cookies