Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Ovidio Zapico esixe a Pola qu'acelere y concrete yá la normativa d‘avistamientu d'osos

L'acoso a un plantígradu nel Altu Sil tien de suponer un puntu d'inflexón a estes práctiques, alvierte'l diputáu d'IX

Ovidio Zapico, diputáu d'IX d'Asturies, reclama a l'alministración asturiana qu'acelere y concrete la normativa esixida pola Xunta Xeneral pa regular l’avistamiento de fauna selvaxe na comunidá autónoma. Zapico, qu’hai más d'un añu que reclama una regulación, considera una alvertencia de lo que puede asoceder a esti llau del Cordal el “bochornosu” acoso conocíu ayeri nel Altu Sil, al otru llau de la nuesa frontera.

Esi numberosu grupu de persones que taba realizando una observación d'osos que depués derivó n'acoso del plantígradu “tien de suponer un puntu d'inflexón a estes práctiques”. IX recuerda qu’hai enforma tiempu que vien esixendo una regulación pa esta actividá, pal osu y tamién pa otres munches especies y que mientres la primer comparecencia de Isaac Pola na Xunta Xeneral comprometer a entainar y poner d'alcuerdu a los distintos departamentos de l'alministración implicaos. “Si esto nun se fai bien corremos el riesgu de faer insostenible una práctica que faciéndola dientro de parámetros y garantíes necesaries pue ser una ayuda a eses zones de monte pero viendo estes cuestiones va convertise en tolo contrario. Nun va ser pola de vegaes que la hemos alvertíu”, sorraya'l diputáu d'IX.

L'episodiu d'en l'Altu Sil ha sirvir de sacalliñu p'acelerar la normativa y que bochornosos episodios como'l d'ayeri nun tengan cabida nel nuesu monte cantábricu, diz Zapico.

“Esiximos celeridá y concreción a Isaac Pola por que presente tola normativa de avistamiento d'especies y n'especial la del osu cantábricu”, conclúi'l diputáu responsable d'Emplegu, Industria y Turismu nel grupu d'IX.

Volver

Compartir

2014 Izquierda Xunida d'Asturies - Política de privacidad - Política de cookies